...يمكنك قرائته من هنا..

خارج النص, أقوال علقت في ذاكرتي

كلما كان الانسان أكثر انعزالا، كان أكثر تعصبا وأضيق ذهنا

السبت، مايو 19، 2007

فلسفة مجنون


هل درست الفلسفة من قبل؟؟؟

لا؟؟

اها لا تذكر...

لا يهم فقط ركز مع المقال وسوف تعلم معنى السؤال فيما بعد

------------------------------------


قد غامرت وكأننى واحد من الصبية الاهيين على قمم الموج

مثلهم احاول تطويع كيس منتفخ بالهواء

صيفا بعد صيف اياما طويلة

فى بحر من المجد

لكن البحر كان عميقا ..عميقا جدااا

اعمق مما استطيع اللهو فية


(ويليم شكسبير..مسرحية هنرى الثامن )

................................................

انسى كل شئ انسى ان تكون ناجحا ان تكون عملاقا ان تكون خرافيا


اعطنى من وقتك بالضبط اربع دقائق

اعتدل فى كرسيك الوثير ...بالضبط اجعل الموبايل على الوضع الصامت

خفف اضائة غرفتك فكر قليلا ثم اجبنى

ما هيا اقصى امانيك ؟؟

ما هيا اجمل احلامك التى لو تمنتها سوف تصبح حياتك اجمل من ان تكون واقعية

همممم

فعلا المال مهم للغاية لا داعى للفلسفة ومن الغباء ان نراه شئ

ثانوى بل هوا اصل الحياة

همممممم

الحب؟؟! هوا اصل الحياة؟

اها اترى ذالك

انة بالحب وحدة تستطيع ان تكمل الطريق برغم انف الحياة

همممممممممممممم

ربما

انت ترى راحة البال اها وانت ترى

الايمان ..الرحيل ..النجاح ...ال..

ربما ..ولكن الاكيد انك ان حصلت عليهم كلهم فسوف تجد دائما فى

النهاية شيئا مفقود


شيئا غريب لا تدرى كنهه ...خلقنا دائما غير مكملين ربما لذالك كنا

بشر

ربما لاننا لم نكتشف حتى الان حكمة الخالق فينا

فكر قليلا..ثم اخبرنى


كيف تجمع كل المتناقضات في إناء واحد... كيف تريد ولا تريد

تخاف ولا تخاف

اهوا جنون؟؟


اعلم إن للجنون درجات

وان لكل عقدة إلف حل ...ولكن إلا عقدتك انت

لا ؟؟

اذن سوف اقول انها عقدتى انا لانك بلا مشاكل


ولكن قليلا فكر معى

انك تستطيع إن تنصح الجميع إلا شخص واحد....هوا أنت
تستطيع إن تهزم الجميع واحد فقط أنت واثق من أنة يقدر على هزيمتك أنة أنت

مهما بلغت درجة جبنك وضعفك فانت احينا تصير اقوى البشر
مهما بلغت درجة قوتك وعافيتك احينا سوف تصير الاضعف
أحينا اشعر أنى إنسان غريب
ربما لاننى افكر كثيرا كثيرا وادرس كثيرا كما يقول اصدقائى

ولكنى اكتشفت فى النهاية

انك مهما علوت فى سلم الحياة فسوف تظل كائن بشرى يجهل عشر قدراته
ويعيش ويتعايش بربع روح وبنصف قلب وبجزء من الف من عقلة

اننى على الاقل اعلم من اكون اليس كذالك؟
فانا لا أريد لا أحس لا أحب

لا اعلم..يقال إن للحب طاقة وانأ لا اذهب إلى فراشي إلا وانأ معدوم الطاقة...
انت تملكها اذن فحافظ عليها جيدا.. انها نعمة لو علمت

الروح كلها دفقة من الطاقة

الحب يعطيك ذالك الشعور لكى تحيا وانت تتجاهل سيئات الحياة
عوادم السيارت...و نظرات البؤس التى تراها كل صباح كل شئ
اها فهمت الان لما تحب شخص بمجرد ان تراه وتكرة شخص اخر بمجرد رؤيته
مهما كان جيدا

الست عبقرى؟؟
فكر فيها على ذالك النحو اننا جنود مجندة كلنا ارواحنا

هي عبارة عن دفقات من الطاقة تسبح فى ذالك الكون المترامى الاطراف
فى احيان تستيقظ فى احسن حالتك ...البعض يقولون لانة يوم حظك او لانة يوم سعدك

او اى شئ من ذالك الهراء الكثير

انا ارى لان ببساطة انة ذالك اليوم لك فى دورة الحياة

تخالفنى فى الراى من يدرى ؟؟

لم نؤتى من العلم الا اقل القليل

الم يقل الحق جل وعلى فى محكم كتابة

وَيَسْأَلُونَكَ عَنِ الرُّوحِ قُلِ الرُّوحُ مِنْ أَمْرِ رَبِّي وَمَا أُوتِيتُم مِّن الْعِلْمِ إِلاَّ قَلِيلاً [الإسراء : 85]

سبحانك ربى كلما تاملت فى نفسى اذداد ايمان مع ايمانى

بان لكل شئ سبب لكل شئ

يحدث وفق تنظيم ادق من يتعلمة بشرى

لا شئ غير مقصود ابدا ولا شئ غير محسوب ..كلها بمشيئة الله

لحكمة لا يعلمها الا هوا

نعود الى موضوعنا الذى لا اعلمة حتى الان

هل فكرت مرة بإن الحب يلزم له ارداة ليستمر ...وان الارداة وحدة متكاملة..وان الثقة وحدة

وبرغم من تمتع بعضنا بها الا انة يظل بدون ان يشعر وبدون ان يحس؟؟؟

كثيرا ما تريد إن تصرخ إن تبكي..

بصوت يكسر صمت السكون...ولكننا وبكل الأسف...لا نقدر
نلوم الاخرين على ضعفهم ونحن اضعف

نقدس القوة ونحن بشر

ونحتقر الرحمة ونحن فى امس الحاجة اليها

الم اقل لك ان ثمة شئ ينقصنا

هل وصلت اليك الفكرة ...

بالتاكيد انه العلم
العلم بان قوتك كل القوة تكمن فى انك بشرى وفقط
فى ان الرحمة والتسامح هما قمة القوة المتناهية وبان الانتقام

هوااول طريق الضعف الذى سيقتلك
بانك مهما تملكت ومهما اخذت فانك فى النهاية لن تشعر براحة
مثلما يشعر بها رب بيت فقير يعود مساء الى زوجتة ويحتضنها
وهوا راضى عن رزقة وعن نفسة ربما لانة بالغريزة علم
علم ان كل القوة كلها تكمن فى ان تحس بالرضاء عن نفسك وفقط

مهما كلف الامر من خسائر

محمد الغزالى



19/5/2007



القاهرة مصر الجديدة

هناك 43 تعليقًا:

أمــانــى يقول...

الســـــــــلامة عليكم
ايه الحلاوة دى يا اســتاذ غزالى هذا ليس بفلسفة ولا حتى مجنون
بس كويس اووى حضرتك عرفت فى الاخر نفسك امال بقى اللى مش بيعرف نفسه وعايز دكتور نفسانى ههههه يبقى ايه
:D

Xee يقول...

تصفيق حاد يا أستاذ غزالي

بس تصدق ولا لأ ، قابلت بعض الناس في حياتي عندهم خلط غريب بين مفهوم راحة البال و التلامه والامبالاة

الفين سلام و تحيه
زي

Nada يقول...

عندي مية ملاحظة يا محمد

اولا مقدمة اعتراضية

انا بموت في كتب الاخوات برونتي ...و ذهب مع الريح رواية راااااائعة ...و انا قريت الكتاب و بعدها شفت الفيلم و كلارك جيبل و كأنه شخصية الكتاب بحذافيريها

ده بس عشان اسجل اعجاااب



ثانيا

مقالة جميلة و حقول زيك من كثرة الرقة معرفتش اعلق
;)))))

هو في الحقيقة من كثر الخوف قريتها مرة و بس.....حقراها بعدين


ثالثا

هو الحب يستلزم طرفين و انا اصر على اننا منعرفش نحب....لاننا اولا منعرفش نحب أنفسنا ...ثانيا الاخر هو بلسم و مراية و بس.... و معلش مش عايزة اعمل هجوم على الرجل العربي مع انه يستاهل

:))))


رابعا

عندنا مثل يقول الذيب عندما لا يصل الى العنقود(يقصد به هنا عنقود العنب) يقول حااامض

أظننا هكذا عندما لا نصل الى شيىء سواء نقول انه غير مجد كالدئب او نزهد فيه

سواء كان هذا الشيىء مشروعا او مشاعرا

خامسا

الكتب جعلت منا اشخاصا مختلفون مع اني اشك انه ليس السبب الرئيسي ...انا معك في حكاية الارواح ...ممكن نحن مختلفون من الاصل من حيث فطرنا الله بعقول مختلفة


سادسا

النقط ليس اختزالاا لما كتبته فانت تعرضت لاكثر من نقطة....و بالفعل بوست جميل و عودة جميلة


اخيرا
شفت يا غزالي انا مبخلتش عليك بتعليق طوييل
:D

تحياتي

loumi يقول...

العزيز محمد
واضح ان النهارده يوم البوستات الدسمه
خلق الانسان ما اكفره(بضم الخاء)
هذه الجمله رددتها امى من يومين حيث كنت اسأل من تعلم العنف والقسوة من الاخر
هل تعلمها الانسان من الحيوان ام العكس.
ان الله خلقنا واوجد فيناالخير والشر و من يرى فى نفسه انه طيب وحنين ومحب ربما يجد نفسه نتيجه تعرضه لضغوط قاسيه خارجه عن ارادته قد تحول بقدرة قادر 180 درجه.
كل شىء نسبى ما يسعدنى بقدر كبير قد يسعد غيرى ربما بقدر اكبر او اقل حسب نظرته وحالته و متطلباته وقس على ذلك باقى الامور.
لا شىء ثابت بالمرة
حاول ان ترجع الى اوراق
كنت قد كتبتها من سنوات
هل سيجد نفسك متفق مع كل ما كتبته؟
اذا ذهبت الى بيت كنت تسكنه وانت صغير
هل سترى الاشياء الان كما كنت تراها وانت طفل صغير
ستجد المنزل الذى كان بالنسبه لك قلعه كبيره او ربما قصر لا يتعدى عن كونه بضع غرف عاديه جدا وستتعجب كيف كنت ترى الاشياء كبيره وانها صغرت الان
والحقيقه انه انت الذى كبر واختلفت نظرتط لكل الاشياء والقناعات اختلفت مع مرور السنين.
مع خالص تحياتى

Sharm يقول...

لما قريت مقوله فولتير

قلت اووووف

انت منهم يا غزالي

بس شكلك طلعت مننا و مش منهم

هتفهم قصدي من البوست اللى عندي

loumi يقول...

يا محمد
هو ده الشيخ امام مش كده؟

صاحب البوابــة يقول...

فلسفة جميلة

تحياتي

bocycat يقول...

انا ماليش فى الفلسفة اوى مع انى كنت ادبى ولكن اوقات بتطله مننا حاجات او مقولات الناس اما بتسمعها بتقوالا ياااه ايه الفلسفة دى كلها .. فعلا ايه الفلسفة دى كلها شوف هى الارادة والرضا بيخلونا احنا عارفين رايحين فين وعايزين ايه .. المال والحب مهمين جدا فى الحياة عشان نقدر نواصل ونتواصل مع الحياة واللى يقول غير كدة يبقى بيخدع نفسه قبل الآخرين .. تحياتى

david santos يقول...

It places fhoto of Madeleine in your bloggue


Missing Madeleine!
Madeleine, MeCann was abduted from Praia da Luz, Portugal on 03/03/07.

If you have any information about her whereabouts, please contact Crimestoppers on 0800555111 Please Help

نقطة مية يقول...

مممممممم...دائما بقول ان المجنون واحد فهم الدنيا صح...
بوست جميل و حوار عقلي ممتع في البحث عن الذات او انه الواحد يلاقي نفسه فين..
البوست ده يخلي الواحد يفكر في كل جملة كويس

تحياتي

Rosa يقول...

محمد ,هو بجد بجد انت الي كاتب الموضوع دا؟؟
افكاااااااااااارك
انا بقالي سنين من غير مبالغه ماقرتش كلام هزني و لمانسي من جوه قوي كدا زي ما كتبت
ماشاء الله عليك بجد
ماشاء الله
ماشاء الله
رائع
رائـــــــــــــــــــع
معنديش اي كومنت ينفع على كلامك
تحياتي
:)

ياسمين يقول...

ايه البوست الجامد دة يا صديقى العزيز

احنا هنعيش غير راضيين دائما عن الذى حصنا عليه

ليه .. مش عارفة

الواحد يبقى عنده حاجات جميلة ربنا مديهاله وبعدين يطمع فى حاجات تانية

الطمع يا سيدى هو آفة البشر

تحياتى .. واحشنى والله

Shreif fahmy يقول...

أزيك ياأستاذ غزالي مش عارف هتفتكرني ولا لاء منتظر تعليقك على البوست ده
http://sfahmy78.blogspot.com/2007_04_01_archive.html

sendbad يقول...

احسنت ياصديقي تحياتي

Rosa يقول...

ليك عندي تاج يا غزالي
ولو مش من هوات التاجات مافيش مشكله
:)
تحياتي

اخر من الاخرين يقول...

رائع رائع رائع رائع رائع بجد
كلامك كويس جدا و فلسفة صح
حتي لو كنت فاهمها مش هقدر اكتبها زي ما انت كتبتها
علي فكرة صوت الشيخ امام مدي جو رائع للمدونة

البتاع يقول...

جميل اوى بجد
فلسفة مسلية :-)
انا سرحت معاك وطفيت النور والموبايل زى ماقلت بالضبط

ايوة كده يامعلم كلمنى باللى اعرف افهمه مش اسامة والناس اللى معرفهمش دول
بس والنبى لاقراها برضه :-)

ممكن بجملة الغلاسة اصحح حاجة ل

" اخر من الاخرين"

ده مش الشيخ امام
هو مين بقى؟؟
صاحب البيت يقولنا
بث خلاث :-)

اقعد بالعافية
تحياتى

HaFlAtA يقول...

Dear Ghazaly,

Thank you for this nice post. I just had a small commment. Imagine that we humans do get satisfied with our lives when we reach a certain goal, would there be a reason to achieve anything anymore? ..... I see our "dissatisfaction" as a motive to develop, to improve, to try to make our lives better, although we will never reach perfection.
God says:
لقد خلقنا الانسان في كبد
Which means that human life is not an easy one, even if one has everything that he "thinks" he needs. There will always be something missing, and he has to try to improve his life.

سكينة يقول...

الأكيد أنه ليس جنونا ولا فلسفة في الغالب أنها حالة من التفكر
إن حاولت أن تنظر للوحة نظرة عامة تحتوي فيها كل تفاصيلها في ذات اللحظة ستتشوش لديك الرؤية وهو ما فعلته في تفكيرك في نفسك والحياة في ذات الوقت لذا إن أردت إجابة لنفسك ركز في كل مرة على جزء من نفسك أو من الحياة وليكن جزءا صغيرا ولكنه مهم وخلال تفكرك تذكر أن ضعيف ومهما اجتهدت ستبقى جهولا طالما بقيت إنسان
تحياتي لأناس تفكر وتتفكر

.:.-=- ELGaZaLy-=-.:. يقول...

وعليكم السلام ورحمة الله وبركاته

ازيك يا امانى يارب تكونى بخير ..ربنا يكرمك انتى عرفاى هوا اية.. كويس
لانى مش عارف الى مش بيعرف نفسة

يبقى بنى ادم والى عايز دكتور انا موجود اهوة

.:.-=- ELGaZaLy-=-.:. يقول...

ازيك يا xee يارب تكون بخير

اصدق طبعا فى كتير فهمينها غلط بس عادة بقى تحيا مصر

.:.-=- ELGaZaLy-=-.:. يقول...

ندى العزيزة الطيبة ازيك يارب تكونى بخير
عاملة اية ومية ملاحظة بس؟؟

مش مية وخمسة؟؟

اولا انا كمان انا بعشق الفيلم والقصة كمان وفعلا كلارك جيبل عمل الدور رهيب ...ربنا يكرمك بس انا غيرت الفيلم انا كل شوية بغير الفيلم


ثانيا اية
lol
جامدة دى ماشى يا ندى

الخوف من اية بالضبط من نفسك ؟؟
ولا من المقال؟


ثالثا صح كلامك جداا احنا مش بنعرف نحب لاننا مش بنحب نفسنا اصلا صح بجد

لا عادى الرجل العربى مش ناقص اصلا بس هوا فين انا حاسس ان بعد كدة هايعرضونا فى تماثيل ويقولو هذا رجل

بما ان الشبع بقى كلة فرافير الحمد لله

رابعا اية المثل دة ؟؟ تصدقى حلو يعنى
لانة مقدرش صح صح معظمنا كدة
خامسا
مش الكتب وبس يا ندى البيئة كمان حجات كتير خلتنا مختلفين بجد

سادسا

ربنا يكرمك يا ندى يارب ..العود احمد مش بيقولو كدة

مش عارف انا اشمعنى احمد مش محمد يعنى
اخيرا
اه شفت يا ندى

تحياتي انا كمان

.:.-=- ELGaZaLy-=-.:. يقول...

loumi العزيزة ازيك يارب تكونى بخير

تعرفى ان دة تشبيهى بالدسم بحب التشبية دة جدااا بجد
واضح ان ربنا رزقك ام حكيمه بحق
ربنا يحفظهالك
بس الانسان هوا الى بيعلم الحيوان الغباء بجد يعنى الحيوان كائن فطر اصلا

المبادئ لا تتغير والطيب يظل طيب والغبى يظل غبى هيا كدة ومن يتحول او يتوهم بانة تغير يظل كما هوا بس بيغير الشكل الخارجى ودة اى كلام
وفعلا كل شئ نسبى

بالتاكيد لا ...حلو تشبية البيت دة عجبنى

تحياتى اليكى

.:.-=- ELGaZaLy-=-.:. يقول...

كويس انى مطلعتش منهم يا شارم وشوفت البوست عندك جميل

.:.-=- ELGaZaLy-=-.:. يقول...

لا يا loumi
مش الشيخ امام

دة مغنى نوبى من اعظ الملحنيني فى العصر دة

اسمة Hamza El Din

.:.-=- ELGaZaLy-=-.:. يقول...

مرورك الاجمل يا صاحب البوابة

تحياتى اليك ايضاء يا

.:.-=- ELGaZaLy-=-.:. يقول...

ازيك يا بوسى لا انا بحبها جدااا

الفسلة هيا محبة الحكمة زى ما ارسطو ابن الذينا بيقول
شايف انا ايوة فعلا الاردة والرضاء مهمين بس انا شايف الرضا عن النفس اهم

نظرية برضة

تحياتى

.:.-=- ELGaZaLy-=-.:. يقول...

david santos
حاضر

.:.-=- ELGaZaLy-=-.:. يقول...

ازيك يا نقطة مية

مممممممم... وانا كمان دايما بقول كدة

ربنا يكرمك يارب شكرا على المجاملة الرقيقة

تحياتى ايضاء

.:.-=- ELGaZaLy-=-.:. يقول...

ازيك يا Rosa ايوة انا بجد بجد الى كاتب الموضوع دة وافكارى ولو انى حتى الان مش فاكر انا كنت بكتب الموضوع دة عايز اوصل لاية بالضبط
ربنا يكرمك دة من احساسك العالى بس

ربنا يعزك يارب

شكرا على زوقك وعلى مجاملتك الرقيقة دى

.:.-=- ELGaZaLy-=-.:. يقول...

ياسمين ازيك يا بنتى

يعنى بعض ما عندكم وكدة

اكيد لاننا بشر بس فى ناس بيقدرو يحلو المعادلة الصعبة دايما صدقينى

طبيعى ربنا خلقنا فى كبد

تحياتى يا جميلة وانتى كمان يا ياسمين

ربنا يكرمك

.:.-=- ELGaZaLy-=-.:. يقول...

ازيك يا شريف يارب تكون بخير

لا للاسف مش متذكر اوى بس انا علقت على البوست

.:.-=- ELGaZaLy-=-.:. يقول...

شكرا يا sendbad

نورتنى

.:.-=- ELGaZaLy-=-.:. يقول...

ازيك يا Rosa

ربنا يخليكى يارب تاج زى بتاع سعاد حسنى كدة؟؟

مش موضوع هواة ولا حاجة بس انا بحب احلل الناس وافهمهم ومبحيش العكس

معلش كل بتوع علم النفس مجانين كدة تحياتى اليكى على فكرة اجابتاتك حلوة بجد

.:.-=- ELGaZaLy-=-.:. يقول...

اخر من الاخرين

مرورك هوا الرائع

ربنا يكرمك بس يا جميل عادى المهم حد عبر عنك

فعلا الشيخ امام رائع بس مش هوا الى بيغنى الى بيغنى دة اسمة Hamza El Din

ملحن نوبى جميل جدااا ومغنى رائع بجد

.:.-=- ELGaZaLy-=-.:. يقول...

ازيك يا صديقتى البتاع

ربنا يكرمك يامعمى هوا دة الشغل على مياة بيضاء بجد ايوة كدة سلمنى نضيف اسلمك نضيف سرحتى وعملتى القواعد شاطر

بلا اسامة بلا بتاع دى عالم فاضية فى مدونتى التانية صح

دة راجل دكتور وبتاع بلا وكسة يعنى الى خدو شهدات عملو اية

وبعدين دى 10 اجزاء وفيهم كذا جزء طويل ياعم كبر خلاص مدام مصمم يا عباس ابقى انا معاك

اه ممكن شاطر مش الشيخ امام هقول تانى

دة ملحن نوبى جميل اوى ان قولت اسمة مرتين فوق بس بجملة الغلاسة يبقو 3

اسمة Hamza El Din

وانت مش غلس ولا حاجة بالعكس دة انتى سكر نورتى ...

اتمسى بالخير



9:28 ص

.:.-=- ELGaZaLy-=-.:. يقول...

السلام عليكم ورحمة الله وبركاته
عزيزي HaFlAtA

معلش اعذرنى هاعلق باللغة العربية رغم ان صعب جداحاليا الحقول على كيب ورد بتكتب عربى فى البلد دى بس سامحنى بحبها ازيك يارب تكون بخير شكرا ليك انت يا جميل ربنا يكرمك ولية تعليق صغير مش كبير؟

ونعم بالله تقريبا انت وصلت لقلب الحكمة بالتعليق دة ...شرفتنى ونورت مدونتى البسطية

.:.-=- ELGaZaLy-=-.:. يقول...

سكينة ازيك منورة..

من قال ان هناك شياء اكيد اصلا...

انا اوافقك انها حالة من التفكير

حلو تشبية اللوحة دة اوى
المهم انك توصل فى النهاية لحل مريح ...

هوا انك بحق انسان

g_bouheerade يقول...

السلام عليكم ورحمة الله وبركاته
ازيك يا غزالي

انا مش عارفة ازاي
اول مرة اقرأ البوست دا
هاتصدقني لو قلت لك
اني حسيت
اني انا اللي كاتبة البوست دا
زي ما تكون كنت جوا دماغي وبتكتب
كل كلمة فيه

الاحساس بالرضا
هو قمة السعادة

استاذ والله يا غزالي

حقيقي
عارف مداخل النفس البشرية

انت لازم تحدد لي مواعيد ثابتة
تديني دروس خصوصية في
علم النفس والفلسفة

ما هو كدا مش نافع
انت كنز بالنسبة لي

ربنا يكرمك ويعزك دايما يا رب

remaliza يقول...

مش قادر هاقول غير ان فلسفتك جميله
وان الحب والارداه عنصر اساسى فى الحياه
وغريزتنا محتجاهم مهما قاومنا
احييك

.:.-=- ELGaZaLy-=-.:. يقول...

وعليكم السلام ورحمة الله وبركاته ازيك يا اخيتى؟

اه هصدقك جداا طبعا...

ربنا يكرمك يا افندم


هههههههههههههههه

علم ونفس وفلسفة..بس كدة يا ستى من عيونى حاضر



يارب ويكرمك دايما ان شاء الله

.:.-=- ELGaZaLy-=-.:. يقول...

remaliza

السلام عليكم منورانى ..ازيك؟؟

ربنا يكرمك يارب فعلا كلامك صح..

والمقاومة هاتكسبك ضعف مش قوة ..


تحياتى

lola يقول...

بجد حلو قوي المقال ده ونفسي الناس كلها تقرأه وتعمل بيه
يارب كل الناس تحب بعضها بصدق من جواها لان ده مش موجود حاليا