...يمكنك قرائته من هنا..

خارج النص, أقوال علقت في ذاكرتي

كلما كان الانسان أكثر انعزالا، كان أكثر تعصبا وأضيق ذهنا

الجمعة، يونيو 15، 2007

سيكولوجيات التدوين





زمان لما حلمت أنى ادرس علم نفس أنى اخش في أعماق النفس البشرية افهم اكتر

أغوص الناس قالوا أنى أتجننت حد في الدنيا يسيب هندسة ويدرس علم نفس ...يومها ابتسمت ولم انطق بحرف
--------------------------------------------------

لكل شئ سيكولوجيه...للطفولة للحياة للأمومة للمرأة للجريمة وغالبا عند ميلاد فرع

جديد تضيفه موسوعة العلوم الأمريكية النفسية إليها وانأ من وقع البوست إلى فات

واستناد إلى إحساس قديم هاكتب عن سيكولوجيات التدوين ايون هانشاء فرع جديد ومش مهم إلى عايز يسرقه يسرقه هيا أول مرة المهم تركز فى انه اجتهاد شخصي وسريع وبيتكتب هتقولى ليه بسرعة هقولك كيفي كده

المهم اعتبرها قراءة بين السطور ابحث عن نفسك بينهم وأفعالك لو وجدت نفسك إذن

اصمت وفقط لا تخبرني حتى ,ولكل قاعدة مما ذكرت في الأسفل شواذ لذالك قد لاتكون منهم

المهم فلنبدأ

الأكيد ها هنا إن مجتمعنا المصري قد افرز فينا برغبتنا أو بالرغم منا افرزاتة التي قد يكون منها الصحي ومنها السام المهم إن تعترف أنة مجتمع له قوانين غير مرئية لكن له قوانين ومها شذذت عن القاعدة أنت هنا في النهاية في قلب الدائرة لا يهم فلنتناقش

افتحو قلوبكم وعقولكم ولنتكلم ها هنا مثل شارعك مثل مكان عملك هناك من يرتدى الكرافتة في تعليقاته المنمقة الشبيهة بقطعة من الشيكولاتة ألذيذة وهناك من يحادثك وفى يده سيجارة كليوباترة أو بلمونت وكوب شاي اسود من ايامة ويلذعك بسخريته

هناك الآنسة المنمقة التي تجدها أختك أو زميلتك أو من تحرقك من صراحتها وهناك من تراهم في الأوتوبيسات يزاحموك بشكل فج

وأتفرج يا بيه على صندوق الدنيا هنا السيرك الكبير زى الحياة بالضبط في إلى ينفث عن كبت وفى إلى بيكبت نفسه زيادة وفى إلى عايش في وهم وهوا مستمتع بدة وفية وفية وفية وما تستغربش لا مش كلنا مثقفين وبنضرات ولا بذقون ولا كل إلى بيتكلم عن الدين بيصلى أصلا ولا كل إلى بيتكلم عن اليسار يساري ولا نيلة ...ولا كل إلى بينا دو بالعودة للبوهمية بوهمين أصلا

عادى أتفرج يا سلام

التقسيم ها هنا سينقسم إلى عدة أقسام .... وبدون ذكر أسماء مدونات او اشخاص


فنحن نجحنا إن نحول التدوين إلى تكتلات مثل الحياة القاسية من حولنا

بل وأحينا نفرض نحن قانونا الخاص الذي لا يشبه اى شئ ونصر على أنة هوا الصحيح





تكتل قدماء التدوين

الذين يرون في أنفسهم عظمة من فتح عكا في حين إن اغلبهم عفوا يعنى الغريب ها هنا أنهم يشعرون بنوع من الوصاية عليك بشكل ما يعنى هوا يرى هوا يعلم أنت لا تعلم على الرغم من انك قد تكون انجح من إلف إلف إلف مرة في الحياة إلا أنهم هم الأصل لا تنسى تملقهم لكي تستمرفى عالمهم العاجي وأنصحك إلا تلقى لهم ببال أساسا وهم لا يكترثون بقلة الردود أو كثرتها فيكفي أن العالم ينظر إليهم. واغلبهم مصاب بالبار انويا جنون العظمة التدوينية


المتظاهرون في الحياة وفى التدوين

هؤلاء غالبا من يدفعون الثمن بل هم فقط من سيدفعه نيابة عنك وعنى...هم غالبا ما يتم سحبهم وسحلهم ووو وخلافة تغلب على أكثرهم الكائبة بحق هم تكتل خاص لهم لغة يصعب إن تفهمها بل لن تفهمها وأورثهم التعامل مع النظام أسوء ما فيه عصبية شديدة وصراحة تصل إلى حد الوقاحة بل إلى حد الخروج عن اى نص واكتئاب شديد للغاية ناتج عن معرفتهم للحقائق ومعرفة مصر بوجهها القبيح

المتعصبون من الجانبين الاسلامى والمسيحي

من يدعى السماحة والتفهم و طيبة المسيحية وتره يستقبلك بكلمة احبو اعدائكم للسيد المسيح وهناك من يلبس قناع سماحة الإسلام ويقنعك باننا لا نكرة احد وهم الاثنين في نظري يتشابهون للغاية فكريا ليس عقائديا بالطبع فمثلا مسيحي يتعمد تشويه صورة المشايخ وهوا ينغزك من تحت لتحت شايف الإسلام شايف ولسان حالة يلعننا إلف مرة يتكلم عن سماحة السيد المسيح وتعاليمه الجميلة وعن كلماته التى لا ينفذها هوا بذات نفسة وهوا أكثر من يبغضننا ويرى إن مصر موطنهم الاصلى وكان مصر ولا بلاش
أو الذي يرتدى عباءة الدين الاسلامى ويكفرك على طوال الخط وبلا تروى ويرى الأخر مجرد شكل يمكن تشويهه بل هوا لا شئ وذالك الجنب لا ينقصهم الجرأة لإعلانها صراحة هل لأننا في مجتمع اسلامى؟؟ بالطبع
أرى إن الأمر ليس فهم للدين بل هوا تعصب اعمي بلا اى وجة نظر مثل فريقين كل فريق يكره الأخر ويرميه بكل الشرور لأنة أخر فحسب ولدت مسلم وولدت مسيحي ولدت اهلوى وهوا زملكاوى إذن فالأخر ملعون حتى لو ادعى العكس إنا الأفضل

سيدي ليس الإيمان ما تدافع عنة بل حقك في التعصب

تكتلات سياسية بحتة

يعنى أعضاء تنظيم واحد فكر واحد يساريين مثلا إخوان مسلمين أو خلافة وهم أيضاء يرونكم إما غرا ساذج أو متفلسف وفيهم من سيقترب منك ووو ومن يراك اجهل من إن تناقشه سياسيا او من يفصل الفكر السياسي عن باقي حياته

تكتلات فردية

هيا عبارة عن مجموعات وجد افرداها ألفة بين بعضهم البعض أو مثلا هم أصدقاء من الكلية أو من العمل أو جيران وهم ألذ التكتلات بحق وعادة ما تجد الترحيب بينهم بسهولة واغلبهم في العشرينات إلى الثلاثينات ويغلب عليهم طابع المرح

أصدقاء من التدوين إلى الحياة

هوا تكتل خاص جداااااااااا تكون من مجموعات مختلفة إلى هوا شفت مدونة آه تعرفه اة وروحت معاه قهوة البورصة كمان اقفش يا معلم دول بقى أصحاب مش من الحياة للتدوين لا العكس اتلاقو عل المدونات بعد كده ايميلات يعقبها تليفونات يعقبها مقابلات ...وبس الغالبية يقيمون لقاء خاص بهم مجموعة أصحاب وبس حتى أتت خطوة اعتبرها إنا بدء مرحلة جديدة
اللقاء العام لمدونة سكاى لايت على الرغم من استنكار أصحاب القائات الأخرى لتلك الخطوة واعلنو بينهم وبين بعض مقاطعتها إلا أنها أثمرت بحق ربما بشكل لم تتوقعه صاحبتها حتى طبعا هناك لقاءت فردية بين مدون ومدون أو مدونة ومدونة أو العكس ولكنها تظل على الهامش

أزواج وأصحاب وأحباب

بالضبط زى الكفايهات بناعت المهندسين إلى بتسيب مصر الجديدة لان جنابك معروف ومفضوح فيها وتتكل على هناك ويقولك إلى فوق كابلز هوا دة يا ريس كابلز مدونتين لاثنين متجوزين ليه عملوها وأنت مالك يا آخى بس يتبقى جميلة بجد أو هما الاثنين بيكتبو في مدونة واحدة وفى اثنين مخطوبين بس او بيحبو بعض وبرضة هتلاقى غالبا كلمة حبيبي أو ملاكي الحارس وحبيبتي وحبة الحبشتكنات دى صح كده أنت هناك حاول لما تسيب تعليق عندها كثير تعلق عند جنابة ولو مرة علشان لو هيا اهتمت بمدونتك وكده الباشا هايعمل عبيط بس هايلسعك علطول وحقة بجد فركز والعكس لو انتى بنت لأنك هاتتحرقى مكانك وده بجد

المجاهيل المعاريف

عارف لما حد يكون ليه مدونة عايز يشتمك ايوة عايز يخش يشتمك بالضبط بدال ما يخش باسمة وتهتز سمعته التدوينية لا هايخشلك باسم جهول ويديك فوق دماغك ويمكن بعد كده يخش باسمة الحقيقي ويسيب تعليق ودول أحقر أنواع البشر بجد إلى بيديك بخنجر وهوا يبتسم وغالبا ما يمتازوا بالباقة في الكلمات والحقارة في ألفاظ

بخلاف ذالك يوجد المجاهيل بحق او المجاهيل الذين يوقعون باسمائهم فقط ويعتبرو زوار وجودهم قد يصل فى التاثير الى المدونين بل واكثر


صحفيون ممثلون مخرجون مشاهير

دول كثير يا معلم بقى العالم إلى بتشوفهم في السينما أو بتقرالهم دواوين أو مجلات أو وبس اغلبهم ما بيسيبش تعليق إلا نادرا مش غرور بس غالبا يبقى انشغال علشان ميزعلوش حد بس بيتابعو بجد وبلهفة لأنك قلم الناقد إلى مش بيجامل ولا بيجرح غير بسبب وهما في الحياة نجوم وبيننا نجوم حتى وان أنكرت ...واغلبهم يمتاز أسلوبها بالرقى المبالغ للغاية والأدب الجم بس في شواذ للقاعدة كثير برضة

المستقلين

فاكر الفيلم بتاع أنت من الأحرار يا سعد ايوة هما دول عالم اغلبهم يعيش في عالمة الخاص قد يكون يعمل ويدون أو يدون فقط أو أو المهم أنهم أحرار يا سعد وهم من ستأخذ منهم رأى صادق وغالبا ما يرحبوا بك للغاية ويحتفون بك لأنهم يرحبون بكل جديد فهم في الأصل يعتبرون نفسهم خارجين عن اللعبة وقوانينها

هم الكسر الذي يثبت إن هناك قاعدة من الأساس

أصحاب الحملات والمسابقات وخلافة


عازيين نعمل حملة علشان مكرم مسكوه مكرم مين ويحكياك حدوتة كبيرة للغاية الخلاصة انك تاخد الصورة وتحطها عند في المدونة وأنت ولا أنت عارف اى حاجة بس حطيت الصورة وخلاص وهيا كده ايون إنا شاطر وبعرف أحط صور في المدونة ...طبعا ليس تقليل من شان من يقومون بتلك الحملات لكن بجد أكثر من يضع الشعارات لا يعلم بل ولم يقرا من الأساس عمن يضع وجهه هوا يضعه فقط المهم بدون الدخول في تفاصيل

هما إما إحدى افردا إحدى الجماعات التي ذكرت في الأعلى أو هم مستقلين مثلا أصحاب أفضل مية موضوع إلف مدونة كده مثلا مسابقة مين عمل أية أو غالبا وهم الأكثر أصحاب الفكر ومن يتنشقون السياسة وهم اغلب من يقيم حملات على ما اعلم ويقيمون بتصميم وعمل مدونة في أسرع مما تفعل أنت كوبين من الشاي

لا يهم فقط هم سلاح قوى للغاية يؤرق النظام فقط لو استطاعوا إن يزيحوا الغباوة والتقليد ويقيمو حملة لنشر الوعي السياسى للمواطن او المدون العادى هاتبقى اقوي المهم هما دول


المرأة في عالم التدوين

كالعادة وكاى مجتمع ذكوري نعشق كل ما هوا مؤنث جرب كده تعمل مدونة تسميها بندقة ايوة بندقة وصورة حلوة كده شاطر وعلق تعليقين ثلاثة واكتب بوست عن الشعر وليكن ريان يا فجل ربع ساعة وكل مخلوقات ربنا الهائمة على وجهها علقو عندك وقالوا إن شعرك ولا شعر الخنساء وانتى أساسا عفوا يعنى بتقولي ريان يا فجل طبعا المجاملة مطلوبة ولكن مثلا إن أقول انك أجمل كل الزهور وأنثى لم تولد منذ عصر بلقيس يبقى

فعلا مش أكثر من... و ضع مكان النقط ما تحب طبعا ردود الأفعال بتتباين في أكثر من مدونة بيوقفو المد د عند حدة وهؤلا يحظون باحترام الجميع وهناك من يفرح باللعبة وهكذا


قواعد غير موجودة ولكنها تنفذ

في قاعدتين أساسيتين ان كل من زارك فلابد ان تزروه ولو بعد حين كده يعنى ولستة الأصدقاء حلو الاسم دة حلو صح في ناس كثير بيضمو إلى بيرو حو عندهم باستمرار أو أصحابهم وبس وفى ناس بتضم امة لا اله إلا الله وكل الأمم وفى قاعدة شيلنى أشيلك ازاى اجى عندك أقولك يا سلام بوست حلو تحياتي تيجى أنت تقولي هايل تحياتي

قلة أدب أو قلة ذوق سميها زى ما تحب

المدونة مثل المنزل مثل العربة سميها زى ما تحب إنا أرها منزل من حق صاحب كل مدونة تطبيق الأسلوب الذي يعجبه او يناسبة يعنى في حد مثلا إخوان حتى وان رفضت

الفكر فاحترم على الأقل صاحب المدونة او على الاقل احترم زيارتك الاولى لا عادى
إنا كده يعنى زى شخصية بدون ذكر اسم علقت عندي في البوست إلى فات بكل قلة ذوق الأدهى أنها اتهمتني إنا بالخروج عن اللياقة في الكلام معها الانقح أنى قولت اعمل فيها ابن ناس مع ناس ...ولا يلاش كانت النتيجة أنى نزلت لمستوى اقل منى ..فطبيعي أشوف إلى ميعجبنيش ...فعلا
المهم أنت بتكرة مثلا الكلام القبيح وداخل مدونة صاحبها أساسا قبيح مينفعش اخش اقولة أنت واطى لأنة بصراحة وأنت مالك هوا شايف كده , أو تخش تعلق في مدونة على شخص وتقيم حوار بدون الالتفات أصلا لصاحب المكان ولا استئذانه وخلافة او تخش تعمل اعلان لموضوع عندك فى المدونة أو او او او يعنى ضيف بقى الناقص



ملحوظة السيكولوجيات قد تخضع للتعديل او لذيادة الكتابة او النقصان وغير ان هذة هيا التقسيمات فحسب ولم ندخل حتى الان فى اعماق الشخصية ولم نتعمق فصبرا




يتبع .....


محمد الغزالي


مصر الجديدة القاهرة











هناك 63 تعليقًا:

Xee يقول...

انت من الاحرار يا سعد

:)

Nada يقول...

lol

بقالي فترة طويلة ما استمتعش بتدوينة زي ما استمتعت النهار ده

كان ممكن اقول هايل يعني بحكم الصداقة
;)


اولا قبل التدوين....عارف دايما معلقة في ذهني أيام ما الاساتذة كانو بيتكلمو عن الدول العربية ...و العوامل المشتركة...عارف ايه اكثر عامل معلق معايا هو : نفس المصير

أي مصير؟؟؟؟
عارف :ان كلو بيفتي مش بس في مصر لا عندنا كمان و زي ما انت قلت ممكن هو اصلا مبيصليش لكنه يفتي خصوصا لو حكمت الفتوى و جات على الجنس الضعيف
???

ما علينا نرجع للتدوين

حبك لعلم النفس جاب نتيجة اهو
;)

بالنسبة لزمرة المثقفين .... من الحجات اللي بتضحكني هو لما تروح تلاقيهم مبيردوش على التعليقات او يختارو يردو على مين؟
lol

لكن في ناس مثقفة جداا و معندهاش نرجسية .... الدكتور ياسر خير مثال

اها شفت حالا انو حصل مشاكل بسبب البوست الاخير

و لا يهمك ....دي سيكولوجيات انت عارفها و حتفضل عايشة معانا ...صبرااااا
;)

بالنسبة لمسلسل ازواج وزوجات ....دايما بقول لنفسي المدونة مش حيعرف بيها شريكي المستقبلي ..و يا رب اعرف احافظ على الفكرة دي...



البوست كله جميل يا محمد و انا اصلا مش بتاع رد زيارات و لا بعرف اجامل


حلوة الموديرايشن اللي انت عاملها
;)
...مع اني مبحبهاش ..لكن انا كمان ممكن ألجأ اليها


سلام و تحيات

.:.-=- ELGaZaLy-=-.:. يقول...

زياد ازيك منور وانت من الاحرار

.:.-=- ELGaZaLy-=-.:. يقول...

ندى يا ندى عاملة اية منورة وكدة

طبعا انتى من الناس الى ليهم الحق

يقولو اى حاجة


انا متفق معاكى فان كلة بيفتى صح


طبعا يا ند جاب نتيجة لانى درستة وبدرسة


هههههههههههه

دى مسخرة بقى انصاف المثقفين دول مصيبة

صح جداا

عادى يا ندى هوا دة الطبيعى وفى الاجزاء الى جاية هاتكلم اكتر على السيكلوجيات دى اكتر


ههههههههههههههههههههه يا ندى

انا متاكد انك مش من النوع دة

انا عامل تحكم علشان اتاكد من حاجة واتاكد منها ...

وهاشيلها بس مش دلوقتى

نورتى يا ندى ودى مدونتك فى اى وقت تنورينى

قاسم أفندي يقول...

:)))
شوف يا غزالي ياخويا
هقولك كلمة بجد انا أستكيفت من البوست ده بجد يعني
موضوع جميل وتحليل رائع
اول مرة اعرف انك نفساني بس المهم متنفسنش علينا بقي
:)
يمكن أرجعلك في وقت تاني باضافة او اقتراح لو تسمح لي يعني لما يكون عندي وقت أكثر وأعرف امخمخ معاك
دلوقت هارجع للبوست بتاع جيفارا لاني فوجئت انه وصل لستة وتسعين كومنت وشايفك عامل موديرات للكومنت هنا يبقي اكيد حصل مصيبة
يالا صباحو فل يا دوك

اخر من الاخرين يقول...

البوست كان بيشدني من سطر لسطر :)
كل ما ابدا في نوع كنت ببقي متلهف اخلة علشان ابدأ في اللي بعدة...
كلامك صح 100% يا ريس
بس انت ميين فيهم؟؟؟ :)

loumi يقول...

يا محمد
هندسه وعلم نفس مع بعض
بجد انا متابعه بقالى مده
و مع ان دخولى عالم المدونات قريب
بس انا حسيت الكلام اللى انت قلته
وعموما يا عم انا من الاحرار
مش انت برضه زيينا؟
وزى ما انت قلت
ده مجتمع زى اى مجتمع
البويت جميل بجد
وكل الشخصيات اللى انت كتبت عنها بجد اضاقت ليا معلومات لم اكن اعرفها
تحيتى ليك ولمجهوداتك
سلام يا مهاجر

eldoctor يقول...

تحليلك شديد القسوة فى بعض نقاطه
و التدوين لا يخضع كله للتحليل النفسى ..
تحياتى

.:.-=- ELGaZaLy-=-.:. يقول...

قاسم بك رئيس الجناح المعنوى يا هلا والله


المهم انك استكيفت وسيبك انت من
الباقى

هوا السيكولوجياة لسة مكملتش بس اتمنى انك تستسكيف للاخر

هههههههههههه

حاضر يا عم قاسم بس اى رد بيعبر عن شخصيتك وبذات لو بتحاول تخبيها

انت ترجع وقت ما تحب المدونة بتاعتك يعنى ضيف واقترح وكدة وهبقى احط اسمك معايا فى البحث ارجع لبوست جيفارا بس المصيبة مش فى كدة بس

المصيبة عقبال املتك فى انك تبقى زوق مع ناس مينفعش تكون معاهم كدة والادهى بقى التكفير متعدش يا عمنا

انا مسحت القرف

صباحو ورد على فل يا دكتورنا

.:.-=- ELGaZaLy-=-.:. يقول...

ازيك يا اخر من الاخرين

ربنا يكرمك وكويس ان البوست شدك

هوا مش صح اوى بس ربنا يكرمك

هقولك انا انهى فيهم انا الى كاتب المقال

.:.-=- ELGaZaLy-=-.:. يقول...

loumi

ازيك يا جميلة منورة تخيلى وحقوق قريبا وكدة

انا عارف انك من الاحررار يا سعد اقصد يا لمى

يمكن لما البوست يخلص يعجبك اكثر لانى لحد دلوقتى برصد ظاهرة بس متكلمتش لسة

تحياتى

.:.-=- ELGaZaLy-=-.:. يقول...

ازيك يا دكتور منور ...

يمكن هوا صريح بس مش قاسى

واى شئ ف الدنيا خاضع للتحليل النفسى


نورتنى

أمــانــى يقول...

الســلام عليكم
هو تحليل ممــتاز بصراحة
وانا برضو بأعتبر المدونة زى البيوت يعنى ممكن بيت تدخله ترتاح فيه وبيت تانى لاء وبرضو زى ارض الواقع بالظبط
هى حاجة نفسية مش اكتر سبحان الله
ومش بأحب اللى مش بيحترم الناس وبيكون فاكر نفسه انه يفهم اكتر منهم او فيها فلسفة كتير اصل العملية مش ناقصة وجعت قلب الواحد بيكون وراه شغل كتير اوووى وبيحاول يدخل ويقرأ واللى مش بيحترمنى فى كتاباته ولا يرضى زوقى أستحالة بأدخل عنده ولا حتى من باب الفضول
ايه ده انا رغاية كده ليه
وعلى فكرة ده يعتبر سيكولوجيه التعليق
تحياتى لحضرتك

.:.-=- ELGaZaLy-=-.:. يقول...

وعليكم السلام ورحمة الله وبركاته

ربنا يكرمك يا امانى بس دى البداية بس

ولا حد بيحبة بجد قمة القرف انك تفتكر نفسك كبير وانت احقر من اى حد محترم

يا ستى المهم انك تعاملى الناس كويس وبس
صح الادهى بقى انك تخشى تعدلى علية طيب لية اصلا
هههههههههههههههههههه

صح يا امانى تحياتى يا طيبة

hend يقول...

ايه التحليل ده بتفكرنى بمفيد شهاب لما يطلع يفنطلك المشكلة وتطلع فى الاخر مفيش مشكلة والحياة ايزى مع الفارق طبعا انت من واقع التجربة ومفيد شهاب من واقع تنويم الشعب
المهم حلو اوى التحليل ده ومستنيين مزيد من السيكولوجيات

اتفضل عندنا يقول...

بوست جامد جدا، انا عارفه ان التعبير ده بقي مبتذل حبتين بس انا فعلا قاصده الكلمه دي، عجبني جدا تحليلك العميق و لكن باسلوب بسيط عشان العالم اللي زيي تفهم ، و عجبني اكتر انك ما حاولتش تحط مسميات لاي تجمع لكن وصفت كل واحد منهم بشكل كامل
تحياتي علي البوست و ما تحرمناش من لحظات التجلي دي

harmless يقول...

أخى الغزالى

قرأت بوستك وهذا مهم
وقرأت التعليقات وهذا مهم ايضا

لا تغضب منى يا اخى
انا لم ارتاح لهذا البوست

ولكن التعليقات تشير انى مخطئ وانت مصيب
لا يمكن ان يجتمع كل هؤلاء الاسماء المشهود لها بالحكمه والذكاء على الثناء على البوست ثم اكون انا الغير مخطئ

ولكنى لا استطيع ان اكون الا نفسى للاسف
فانا رايت البوست هجومى بلا داعى وبه الكثير من العبارات القاسيه بلا ضرورة وبلا منطق

يا ترى ماذا سيكون مثلا شعور مدون قديم عندما يقرأ ما قلته عن فئه القدامى؟
هل سيرتاح لكلامك؟
هل سيكتفى بانك تقصد البعض وليس الكل؟
هل سيشم رائحه التعالى من البوست وانا اعلم انك لا تقصد هذا؟

الحقيقه يا اخى انى اراه بوست له خسائر وليس له مكاسب

اعتذر لك ولكل من مدحوا البوست ولك تحياتى واعجابى الذى لا تشوبه شائبه

.:.-=- ELGaZaLy-=-.:. يقول...

hend

ازيك يارب تكونى بخير هوا تقريبا انا كدة لسة فى البداية .. انا محللتش انا بس برصد بس
هههههههههههههه

وحلو تشبيهك ليا مفيد شهاب بس انا كدة برصد مش اكثر ويمكن كتير شايفين انى صح الى حلو اوى تشريفك ليا

ان شاء الله قريبا

.:.-=- ELGaZaLy-=-.:. يقول...

اتفضل عندنا
لا مش مبتذل ولا حاجة انتى نورتينى
ربنا يكرمك يارب ومرورك هوا الى جامد جداا خالص


مينفعش اسمى حد لان مفيش حد من حقى اسمية ولا من حقى انتقد حد انا برصد وبس

وحاضر مش هاحرمك من لحظات التجلى دى خالص

.:.-=- ELGaZaLy-=-.:. يقول...

أخى العزيز harmless

مررت بى وهذا مهم وقرات البوست وهذا

كافى بالنسبة لى وقرات التعليقات وتركت تعليق

لذالك انا سعيد

وانا لا اغضب من الاختلاف فى الراى

لية بس يا اخى العزيز مرتحتلهوش

يمكن يا هارلمس بس انا كنت برصد ليس اكثر وهوا ليس هجومى بل هوا صادق اكثر ولا ارى بة قسوة صدقنى هايكون راية هوا الحق لان هما رايهم ان المدونين

نوعين نص كم وقديم ودة مكتوب فى بوست

او فى مدونات بعضهم وفعلا انا بقصد البعض ومدامت اقول الصدق ومحايد

ولدى ادلة على راى البعض فالمهم اننى صادق وهذا يكفينى
والله يعلم انى لم اقصد التعالى على العكس

ووجة نظرك تحترم طبعا وليها اسبابها

وصدقنى هارجع النظر فى البوست وفى البوستات القادمة

ولا داعى للاعتذار على العكس من فضلك انتقد فانا اعشق النقد

واعتقد رايي هذا سيشترك فية الجميع

تحياتى ونورتنى يا هارملس

BinO يقول...

أخي في الله الغزالي
كيف الحال
عساك تكون يخير بأذن الله

أعرف أن الموضوع أعمق من كلمتين أن أكتبهم
ولكني كمتعمق علي قدي في الشخصيات حولي
معظم الذين يتحدثون بلغة الثقافة جهلاء وأنا منهم
ولكن المشكلة الأكبر أننا نجهل أننا جهلاء
وهذه هي المشكلة الأكبر
لذا تبدو دائماً الأفكار والأراء مشوهة
كالمسخ
ناتجة ممن لا يملكونها
وفاقد الشئ لا يعطيه

.:.-=- ELGaZaLy-=-.:. يقول...

أخي في الله BinO

انا الحمد لله والشكر له على خير حال

ينقصنا دعائك فقط

كيفك انت اتمنى ان تكون بخير ان شاء الله

يا سيدى حاشا لله والعياذ بة ان تكون من الجاهلين يكفيك كلمات الله فى مكانك

لكن بغذ النظر عن تشخيص الاشياء ففعلا

المصيبة اننا نجهل اننا جهلا ء...

فاقد الشئ لا يعطيه

صح لسانك

واحدة من الناس يقول...

رغم انه طويل حبتين تلاته بس تصدق قريته كل كلمه ومزهقتش خالص:)
كل نوع كان بيستدعى فى دماغى مدونه عجبتنى حكايه صوره التضامن ده عندك حق فيها قوى ولما قلت
هايعمل عبيط بس هايلسعك
مممممم شكلها طلعه من قلبك بس هاعديها;)
سلام

bocycat يقول...

ربنا يستر وياترى انا ابقى فين من دول قول قول انا بقبل كل حاجة بس عموما انا لا بعدى عاللى بيعدى عليا عشان اجامله وخلاص بالعكس انا بمر عند مدونين كتير بيعجبونى وهما مش بيعلقوا عندى خالص ومش بعلق عند حد الا لو كنت حاسة كلامه بجد ولنا بقية فى الكلام عشان مستعجلة شوية ورايا شغل ومش مركوة بس حدخل عندك تانى عشان كلامك عجبنى عن البلوجرية .. سلام

.:.-=- ELGaZaLy-=-.:. يقول...

واحدة من الناس
ازيك منورانى والله

ربنا يكرمك انا دايما كدة بتاع البوستات الطويلة تصدقى انى سعات بزهق منى

ربنا يكرمك كويس انك فسرتى الصور

ربنا يكرمك ...لا والله مش من قلبى ولا حاجة انا عادة

بتفرج بس ودة مجرد تحليل لظاهرة زى ما قلت

سلام

.:.-=- ELGaZaLy-=-.:. يقول...

bocycat
ههههههههههههههههه

منورة لا طبعا وانا عارف انك مش كدة

بس زى ما قولت فى ناس كتير كدة


خد وقتك وربنا معاكى فى الشغل

والحمد لله انة عجبك سلام يا جميل

ما علينا يقول...

اولا وقبل اي شيء
احييك وارفع لك القبعة
انا اصلي اعز الناس اللي غاويين علم نفس جدا
يعني
بحب اغطس برضوا جوا نفسيات البشر
بس فاضلي الاطفال مش عارفة ادخل لهم منين
وبما انك واضح جدا انك دارس ومتمكن
ياريت بتقى تدلني اعمل ايه معاهم

البوست بقى
انا برغم اني جديدة جدا في عالم التدوين
دخلته كدا بالصدفة في سهرة وبجرب فعملت مدونة يعني ممكن جدا ما اتعدش مدونة

لكن رايي ان كل كلمة انت كتبتها صح جدا
ومفيهوش اي قسوة
لانه مفيهوش اي افتراء
دي كلها نماذج بشرية موجودة
حتى بعيدا عن عالم التدوين
التكتلات دي متواجدة في كل مجال
فايه اللي هايخلي وجودها في دنيا التدوين امر غريب

بصراحة البوست منطقي جدا
موضوعي وحيادي جدا
بيرصد واقع موجود ليس الا
واحسدك على التسلسل والتواصل

اسفة جدا للاطالة
بس البوست يستحق الكلام عنه اكتر من كدا
خاصة وان الموضوع فيه علم نفس وكدا

ومتشكرة جدا على زيارتك لي
وهاقولك حاجة
اوك انا لقيت تعليقك عندي
فطبيعي ان الفضول يشدني ازور مدونتك
لانها اسم جديد بالنسبة لي
وكنت فعلا هاسيب تعليق على سبيل رد الزيارة

لكن زي ما انت شايف
البوست واسلوبك الاكثر من ممتاز
استفز مني كل الرغي دا

مرة تانية احييك
على موضوعيتك واسلوبك في الاختراق

كراكيب عادل يقول...

خلتني شكيت في نفسي

وفضلت اقرا البوست بدور علي نفسي فيه

بس ملقتش يمكن اكون منهم ومش عارف

ربنا يستر

بس عموما الفلسفة الي في البوست دة عجبتني علشان انا من هواة الفلسفة

بس حاسس فية بالثأر من شئ

.:.-=- ELGaZaLy-=-.:. يقول...

ربنا يخليكى انا برضة هارفعلك القبعة

بس اول ما استرى واحدة لان قبعتى ضاعت

ربنا يكرمك فهم النفس البشرية دة متعة اساسا

انا مش متمكن ولا حاجة انا فقير الى الله خالص
بس سهلة اوى لو قريتى عن سيكلوجياة النمو والطفولة هابقى انصحك بشوية حجات هاتسهل الموضوع اوى

دة راى اى مشاهد او اى حد متفاعل ببساطة وكلامك صح جدااا

ربنا يكرمك

اسفة جدا للاطالة
بس البوست يستحق الكلام عنه اكتر من كدا طبعها

لا شكر على واجب


ههههههههههههههههههههه

اسف بس اصل الكل بيشوف الموضوع دة تعمة وبيدافع ضدها

مع ان دة الطبيعى فعلا

ربنا يكرمك مروروك وردك وعقليتك هما الى ممتازين بجد

تحياتى

.:.-=- ELGaZaLy-=-.:. يقول...

كراكيب عادل

ازيك منور دور كويس ...وممكن اساعدك ولو انى مش بحب كدة

بس البوست مفيهوش فلسفة خالص فية منطق تقصد؟

بس كويس انها عجبتك لا لا ثار ولا حاجة خالص
نورتنى يا جميل

Rosa يقول...

تعرف كنت لسه بتكلم مع ماما في موضوع المدونات دا و تقسيمهم , بس دلوقتي هيجبها تقرا البوست دا , انت جايب فيه كل حاجه
:D
عجبني اوي موضوع السيكلوجيه دا
وفي انتظار الدخول في العمق
:D
و عجبني اوي موضوع الكابلز دا
ههههههههههه
صحيح عندك حق بلاش الفطنة الطتئفيه وكل واحد يحافظ على نفسه
تحياتييي

اه صحيح .. بالمناسبه .. يا ترى انا من انهي نوع؟؟؟
:D
ربنا يستر بقا :)

.:.-=- ELGaZaLy-=-.:. يقول...

تعرف كنت لسه بتكلم مع ماما في موضوع المدونات دا و تقسيمهم , بس دلوقتي هيجبها تقرا البوست دا , انت جايب فيه كل حاجه

ازيك يا روزا مبروك اولا

ثانيا سلميلى على ماما وخليها تدعيلنا ربنا يخليهالك يارب

ان شاء الله قريبا بس افوق شوية

صدقينى النوع دة موجود وبكثرةو مش عارف

مشوفتيهوش ازاى

غريبة نورتينى...

انتى ادرى بنفسك يا روزا

Rosa يقول...

صدقينى النوع دة موجود وبكثرةو مش عارف

مشوفتيهوش ازاى

غريبة
???????????????????????????
قصدك ايه ؟؟ شكلي وصلت الكلام غلط؟؟
اي نوع الي مشفتهوش؟؟
.......
والله يبارك فيك والله يسلمك يا رب بس اكيد هخليها تدعيلك ان شاء الله
:)
:)

.:.-=- ELGaZaLy-=-.:. يقول...

اقصد الكابلز يا روز

ربنا يكرمك يارب

Rosa يقول...

اااااااه
عندك حق بس بصراحه ماركزتش في الي بيزعل و الي مابيزعلش
:)

.:.-=- ELGaZaLy-=-.:. يقول...

ههههههههههههههههه


انا عادة بركز فى كل حاجة...

سعات بقعد ساكت ولما بتكلم

الناس بيستغربو انى خدت بالى من كل التفاصيل دى

يمكن علشان كدة درست علم النفس

MiraMar يقول...

بقلق من بتوع علم النفس:)
ههههههه
خايفه أسيب تعليق أكون ضمن الجزء التاني من تصنيفات سيكولوجيا
المدونين في الرد
"على البوستات"
الكلام ده كبير:)
بس العمر واحد والرب واحد

على فكره مبحبش التصنيف
لأن أنا عن نفسي مبحبش حد يصنفني
بس من باب الفضول
هوه أنا مين فيهم؟
:)"اقولك أنا" كلهم
بوست عجبني

تحياتي

.:.-=- ELGaZaLy-=-.:. يقول...

MiraMar

ازيك منورة ...كلنا بنقلق من بتوع علم النفس دول عالم ولا بلاش

لحسن صاحب المدونة منهم

هههههههههههههههههههههه

لا سيبى رد براحتك انا مش بحدد اشخاص

انا بقول انماط بس

والكلام الكبير للناس الكبار يا كبير

واية المشكلة فى ناس كدة كتير

انتى ادرى بنفسك منى ...

نورتينى

تحياتي

ياسمين يقول...

غزالى رفعت راسى فى وسط شعوب التدوين فى كل انحاء العالم
فعلا تصنيفاتك غاية فى الدقة وبتوصف وضع قائم فعلا
بس انت قاسى بجد
آه يا قاسى
كسرت قلب ناس كتير بس الحمد لله بقى انا قلبى اللى بيرفرف دلوقتى زى العصفورة وفرحان قوى قوى
اسمى ملعلع عندك فى البوست وخلاص هأتشهر وهبقى فى تصنيف جديد انا اكتشتفته وهو
تصنيف جامعى المدونين
جاية من فيلم جامع الفراشات
واحدة بتحب اللمة كدة وعمالة تعمل فى لقاءات تلم فيها كل تصنيفات التدوين اللى انت قلت عليها تبقى ايه ؟؟؟
جامعة التدوين .. جاية من جمع مش من جامعة يعنى
تصدق .. انت سكر
هاسألك سؤالك وترد عليه بصراحة لو سمحت يا صديقى العزيز
انت بتاكل سكر كتير؟؟
لو الإجابة بنعم
يبقى أرد اقولك عشان كدة انت سكر
ولو الإجابة بلا
يبقى أرد اقولك أمال انت سكر كدة ليه بقى
تحياتى لأستاذى قصدى صديقى العزيز

صاحب البوابــة يقول...

رغم معرفتي بمدى حرية قلمك

لكني هذه المرة إزددت إعجاباً به

تحليلاتك كانت غاية في العمق والموضوعية

وحلقت في سماء الحرية لتصف لنا بكل دقة حياة التدوين عن قرب

تحياتي اخي وصديقي

رفقه عمر يقول...

حضرتك كنت قلتلى على البوست دى بس بجد انا اسفه قرته متاخر عذرا
على فكرة انا لما يكون البوست طويل مش باكمله للاخر واخرج من غير ما اعرف ايه الموضوع لكن بجد لبوست شدنى جدا لانى مهتميه برضه بالنفس البشريه معرفتها مع انى مش خريجه علم نفس ولا حاجه
بس انت قربت جدا من نفسيه او سيكلوجيات التدوين
انا لاحظت ناس هدفها نفسها وبس او هدفها الشهرة وفيه ناس بتكتب وبس لانها عايزة تكتب وممكن تلاقى عدد الزوار عندهم مش بيتحرك والتعليقات صفر بس برضه مستمرين دول باسميهم المجاهيل اللى بيكتبوا علشان عندهم حاجه عايزين يقولها ودول اكتر ناس احب ادخل واعلق عندهم واشجعهم لانى باحسهم مش بيحبوا البروباجندا والكلام دة
وفيه ناس عايزة تقول كلمه حق بس يرضه بتزعل لو ناس سمعت من غيره ومش سمعت منه هو ليه تزعل طالما انك عايز كلمه الحق توصل سواء منك او من غيرك
سبحان الله انا لما عملت مدونتى كنت قرات مدونه لناس بتسب فى الدين حبيت اعمل مدونه اعبر فيها عن حبى لدينى ولربى ولرسولى كتبت كل كلمه وانا باحسها لما وجدتنى بدات اتاثر بالتعليقات وانتظرها قفلت التعليقات لاعود نفسى انى لا اخرج عن هدفى الاساسى
طولت انا اسفه
بجد موضوع جميل فى انتظار البقيه

.:.-=- ELGaZaLy-=-.:. يقول...

ياسمين العزيزة ازيك يارب تكونى بخير

على اية بس دى حقيقة
معلش انا قاسى فعلا ووحش

ههههههههههههههههه

يارب دايما يا ياسمين
ههههههههههههه

حلوة تصنيف جامعى المدونين

انتى دماخ ...


ربنا يكرمك ....

اسالى لا للاسف مش بحب السكر خالص


ربنا يكرمك يا ياسمين ...بس بقى علشان النمل
تحياتى اليكى يا جميلة

.:.-=- ELGaZaLy-=-.:. يقول...

صديقى العزيز صاحب البوابة

كيف حالك اتمنى ان تكون بخير حال ...

ربنا يكرمك بس دة رصد احداث مش تحليل

لسة التحليل بدرى علية اوى

ربنا يكرمك ايوة انا حلقت فعلا ؟؟

عرفت منين

تحياتى يا اخى الطيب

.:.-=- ELGaZaLy-=-.:. يقول...

رفقه عمر

ازيك يا جميل منورة ...لا على اية انتى نورتينى...

ربنا يكرمك يارب الحمد لله انة عجبك
كلنا مهتمين ببنت الذينا الى مجننا النفس البشرية دى

يعنى انا كل دة برصج فميحسبش نجاح ليا اساسا


فى من كل نوع الصبر بس فى الجزء الجاى يمكن تتفجائى

لا لية بتقولى كدة ربنا يكرمك يارب

ويوفقك ...دة انتى نورتينى يا طيبة

ربنا يكرمك تحياتى

نقطة مية يقول...

بصراحة من اقوى المواضيع اللي قرأتها
بس حسيت ان فينا كلنا جزء من نموذج مذكور..التحليل رائع للحياة التدوينية و لو فيه حتة هجوم...بس عالم التدوين بقى مجتمع صغير طبيعي انه يفرز انماط بشرية جديدة,,و اكيد فيه ناس بتظهر بمظهر مخالف عن طبيعتهم و في بيوتهم حاجة تانية..و طبيعي اللي هتلاقيه في المجتمع من تكتلات و تيارات سياسية و مجموعات هتلاقي نسخ منه في المجتمع الافتراضي...

تحياتي

tota يقول...

عجبني جدا تصنيفك ده للمدونيين فيه تحدي علي فضول للقارئ يخليك طول مابتقرا بتقول ياتري انا مين فيهم وكل واحد بيبقي عارف كويس هوه في اي فئه من دول
بس فيه اللي بيتغابي علي نفسه ويعمل مش واخد باله بس اثناء قرائتي بسأل نفسي هوه فيه حد ممكن يصنف نفسه ويعترف لنفسه انه من الفئات الوحشه زي اللي قلت عليهم "أحقر أنواع البشر بجد إلى بيديك بخنجر وهوا يبتسم" فيه حد ممكن يعترف لنفسه انه من الفئه دي؟؟
بوست رائع مشوق وبجد استمتعت بيه
سلامي ليك

قاسم أفندي يقول...

هو الأخ باب فين؟

.:.-=- ELGaZaLy-=-.:. يقول...

نقطة مية منورة الحمد لله انة عجبك ...

ربنا يكرمك هوا مش هجوم هوا شوية صراحة بس ...وانا مؤمن بدة فعلا

صح برضة فى تيارات كتير وحلو تفكيرك جداا

انا لقيت ليكى 3 ردود بنفس المعنى فقلت اكيد فى 2 غلط صح؟؟



تحياتي

.:.-=- ELGaZaLy-=-.:. يقول...

tota
منورانى ازيك الحمد لله انة عجبك
وفعال انا كنت اقصد كة
وفى ناس كتير كدة وبتتعرف النفس البشرية اغرب مما يمكن ان تتخيلى
وعليكم السلام ورحمة الله وبركاته

.:.-=- ELGaZaLy-=-.:. يقول...

قاسم المسئول عن الدعم المعنوى فى التنظيم


مش عارف شوفة فى الصالة كدة

Dalia يقول...

ايه ده ؟؟
ده فرويد بذات نفسه لو كان عايش ماكنش قال الكلام ده
مش عشان حاجه يعنى بس هو اكيد ماكنش بيدخل بلوجز
:P

لا بجد جميله اوى
عارف انا برضه بحب علم النفس و كان نفسي ادرسه

انا اسمى مكتوب؟؟؟

اكيد انا واحده من اللى انت كاتبهم دول بس الحمد لله ماليش فى السياسه

.:.-=- ELGaZaLy-=-.:. يقول...

داليا الجميلة ...

ربنا يكرمك يارب...فرويد دة يجيى جمبى اية بس

مليان تواضع والله يا اخوة

بربنا يكرمك استنى الجزء القادم بس


كلنا اسمنا مكتوب

هههههههههههه

طيب الحمد لله

ريـــانه يقول...

موضوعك جميل جدا..

كأنه اعطاني مفتاح الخريطة..

لأني جديدة في عالم التدوين..

لكن أثار انتباهي أنك بدأت كلامك ب

لأكيد ها هنا إن مجتمعنا المصري قد افرز فينا برغبتنا أو بالرغم منا..

حصرت موضوعك على المدونات المصرية..


وأعقد أن التحليل الذي قمت به ينطبق على عالم التدوين ككل..

موضوع قراءته ممتعة جدا..

تحيتي لك

Shams يقول...

كلام جميل وتقسيمات انا شايف انها ارتجالية شوية ...كمان معتقدش ان دي ليها علاقة بالسيكولوجي خالص انا شايف ان ده تصنيفك ورأيك الخاص ...من حقك انى احترمه ومن حقي اني مأخذهوش كدستور وانى امرره على عقلى اقبل منه اللى اقبله وارفض منه اللى ارفضه..بس انت نسيت شريحة معينة اللى ممكن يكون انا منها ..انا مثلا بعمل كتابات مش عشان اي غرض من الاغراض السابقة ولا عملت تكتلات ولا جاهدت عشان يبقي ليا ضهر فى عالم التدوين ولا جريت على كبار المدونين التمس منهم كسرات الخبز..

انا قدمت مادة معينة قد ينكرها البعض وقد تحرك ولو القليل فى الاخرين ..لا اتجه اتجاه معين ولا أوجه ..( بفتح الجيم )..
اكتب لغرض ابداعي ولا يهمني من يقرأ ولا كم يقرأ مقالاتي وكم يفهمها...ولكنى اعتقد ان لى رسالة وهي ان اساعد الاخرين فى استخدام عقولهم لحل الطلاسم التى كثيرا ما اتركها لأتنبه واستبين عقول الزائرين..

مع احترامي الزائد ما رايته فى عالم التدوين بل وتأكدت منه ان كثيرا من المدونين يدخلون هذا المجال لا لغرض نبيل ولكن لاغراض ومصالح شخصية ..

فأنا لا اعتبر نفسي من المدونين ..قد اكون مفكرا ..قد اكون كاتبا..قد اكون مجرد فرد عادي ينثر كلماته ليكون جمله ..

لا يهمني المسمي ولكن يهمني الغرض ..كما تهمني النتيجة ...

تحياتى لك ولموضوعك الرائع ..

اراء جيدة تستاهل انها تتقري وتؤخذ فى الاعتبار

اخوك

شمس

شيماء يقول...

جزاك الله خيرا يارب بجد موضوع جميل والله

بارك الله فيك
بصراحه مش عارفه اقول تعليق او اى كلام بعد كلام المدونين دول كلهم

انا مجرد قااااارئه
ربنا يزيدكم يارب

Zika يقول...

والله جميل فعلا تحليلك ده
ودمه خفيف جدا بس واقعي والله وبنسبة اكتار من 90 % كلام جميل .. كلام معقول .. مقدرش اقول حاجه عنه
:)
تحياتي

شهرزاد يقول...

من الواضح أن التدوين أصبح ظاهرة
بل ظاهرة تستحق الدراسة والتحليل
أعجبني تصنيفك للمدونين
بس مش عارفة مكاني فين بالضبط

كل الذي أعرفه أنني دخلت هذا العالم
لكي اكتب عن كل أفكاري وأعبر عن أحزاني وآلامي وما يدور في ذهني
والتي من الممكن أنني لا استطيع ان اكشفها بلساني
فألجأ إلى قلمي
والاجمل ان يشاركني الناس تلك الأفكار
ويشاركوني أحزاني وآلامي
وأشاركهم أحزانهم وآهاتهم

تحياتي لك

nermeen يقول...

تدوينة لطيفة
و التصنيفات اعتقد انها شملت الجميع
و ان كنت لسة مش عارفة انا مين انا فين انا ليه :)
و بصراحة محاولتش اصنف نفسي
يمكن شويتين كدا و افكر
بس هي انت من الاحرار يا سعد
و لا انت من الاحرار يا علي ؟؟؟؟
علي اي حال علم النفس من مفضلاتي
و أكاد احسدك انك بتدرسه
تحياتي ..

brokenheart يقول...

محمد الغزالى
عاش من شافك
اخبارك واخبار التدوين على حسك
بالمناسبة
بما انى عارفك صريح ولا تخاف فى الحق لومة لائم
ارجو ان تضعنى فى التصنيف الصحيح
لانى عارفك وعارف رايك
وبكل صراحة وانت عارف انى مش حازعل
ياترى انت شايفنى فى ايه من الناس اللى انت ذكرتها

بس بجد انت سبقتنى لان الموضوع كان فكرة فى دماغى مستنية التنفيذ بس اللى سبق كل النبأ
وكل عام وانت بخير بمناسبة عيد الاضحى المبارك

اه ما انا مش عارف حادخل نت امتى تانى
وطبعا انت مش محتاج تعرف رايي فى موضوعاتك لانك عارف رايي من زمان
وسلام سلام الى ارض الكفاح

عاقلة علي ارض الجنون يقول...

أنا مش لاقيه نفسي ف أي سيكلوجيه من دي .. فأنا مختلفه .. و أؤمن باختلافي

لا أخضع لتقسيمات ولا تعريفات و لا تصنيفات ..

مجهود رائع من خلال نظرتك علي عالم التدوين ..

و لكن إما أنا هؤلاء جميعهم و إما أنا لست منهم .. و الأهم أنا أنا ..

تحياتي

ياسمين

L.G. يقول...

بسم الله الرحمن الرحيم
السلام عليكم امبارح شفت البرنامج في او تي في وسمعت كلامك وعجبني الحوار قلت أكيد مدون
النهاردة لقيت على الفيس بوك لينك لمدونتك عند الصباغ دخلت اشوف
بس كلامك في البرنامج كان أفضل كتير من البوست ده
على فكرة دورت على نفسي وبعض المدونين الذين أقرأ لهم في تلك التصنيفات والتقسيمات ملقتنيش ولا لقتهم

إحنا فين ؟؟؟ :))
تحياتي

reham يقول...

السلام عليكم ورحمة الله
انا كسرت القاعدة و لله الحمد :D ( هيييييييه )
و لا واحدة انطبقت عليا ..
يعنى يمكن عشان نسيت تحط من ضمن الخيارات ان في ناس بتحب الكتابة لمجرد الكتابة الادبية ..و عاوزين يلاقوا طريقة لعرض كتاباتهم على الناس لا غير
كتابات نثرية - خواطرية - تريقية .. لا فيها اراء سياسية و لا غيره ( برئ يا بيه !:) )
و عشان كدة الحمد لله مفيش حد بيشوفها :d
و سبحان الله .. مازلت بعتبرها انجاز
يعنى ..يكفيني شرفا اني اقرب ما اكون للاحرار :)
عالعموم انا اول مرة اشارك في المدونة و هي جميلة فعلا ..
بالتوفيق

anarabicgirl يقول...

الشعب يريد اكمال التحليل