البحر بيضحك ليه
و انا نازلة اتدلع أملى القلل
.......
البحر غضبان مابيضحكش
أصل الحكاية ماتضحكش
البحر جرحه مابيدبلش
و جرحنا و لا عمره دبل
........
البحر بيضحك ليه
و انا نازلة اتدلع أملى القلل
.........
مساكين بنضحك م البلوى
زى الديوك و الروح حلوة
سرقاها م السكين حموة
و لسه جوه القلب أمل
.........
البحر بيضحك ليه
و انا نازلة اتدلع أملى القلل
..........
قللنا فخارها قناوى
بتقول حكاوى و غناوى
يا قلة الذل أنا ناوى
ما أشرب و لو فى المية عسل
............
البحر بيضحك ليه
و انا نازلة اتدلع أملى القلل
..............
ياما ملينا و ملينا
لغيرنا و عطشنا سقينا
صابرين و بحر ما يروينا
شايلين بدل العلة علل
...........
البحر بيضحك ليه
و انا نازلة اتدلع أملى القلل
........
فى بالى ياما وعلى بالى
و اللى بيعشق ما يبالى
مايهمنيش من عُـزالى
يا حلوة لو مرسالى وصل
...........
البحر بيضحك ليه
و انا نازلة اتدلع أملى القلل
............
بينى و بينك سور ورا سور
و أنا لا مارد و لا عصفور
فى أيدى عود رنان و جسور
و صبحت أنا فى العشق مثل
...........
البحر بيضحك ليه
و انا نازلة اتدلع أملى القلل
.........
تصحيح
نجيب سرور
33 التعليقات:
محدش يقدر يعلق علي عم احمد
الأخ الفاضل محمد
حتى البحر نفسه انكسرت مش قادر يضحك
تحياتي لاختارك عمنا فؤاد
احمد فؤاد نجم...الله عليك يا غزالي
تحياتي
عزيزي المدون: ها نحن نفتتح بين أيديكم مجلة إسمها المُدوّن
سعيا منا في المساهمة في إقلاع ثقافي يهدف إلى تحقيق تنمية شاملة، وعلى جميع الأصعدة
المُدوّن
رؤية ثقافية تنقلك إلى آفاق لذة القراءة والمتعة والفائدة
فندعوك لتصفحها.. ونرحب بك صديقا وفيا ومراسلا مثابرا
فأهلا ومرحبا بك
--
مجلة المُدوّن
http://al-modawinmag.blogspot.com
اول مرة اقراها كلها على بعضها
:)
فيها معاني جميلة اوى ماشاء الله
:)
كلمات جميلة أوى
جزاك الله خير
السلام عليكم
أخي في الله الغزالي
كيف الحال
؟
كنت ناوي أعلق
لحد ماوصلت لمين كتب القصيدة
فلقيت وشي بيتقلب من غير ما أحس
أصلي كده مش بحب أقرأ له ولا اسمعله
عموماً أتمني أن تكون بصحة جيدة
من اجمل ما كتب ابو النجوم فرقة وسط البلد غنوا جزء منها بس معموله حلو
http://www.youtube.com/watch?v=RMhumrR6D4s
طب اية
zy ma esra2 2alt
m7dsh y2dr y2ol 3leh 7aga
regards
استراحة جميلة
الغريب اني لسة امبارح كنت بحمل اغاني قديمة ومنهم دي
تعرف ان حتي طريقة ملي القلل او البلاص
كانت جميلة وناس راضية وقنوعة
زمن البساطة والاصالة
البحر برضو لسة بيضحك
بس بطريقة مختلفة
:)
العزيز غزالى
انا بافضل اسمع الاغنيه دى
واعيد فيها من ساعه ما بعتهالى
بجد تحفه ومنير مغنيها بطريقه جميله قوى
بس ما كنتش اعرف ان نجم هو اللى كاتب الكلمات يا ترى ما فيش نسخه بصوت الشيخ امام؟
بجد جميله جدا وتسلم ايديك على الاختيار الجميل ده
تحياتى يا مهاجر
بحر مين بس اللى بيضحك
هههههههههههههههههه
والله انا نفسى اشوفه بس حتى من غير حتى ما يضحك
هههههههههههه
اهو بحر وخلاص
يا محمد
يا ريت تكبر اسم
احمد فؤاد نجم
تحياتى
غتاته بس معلش
ما قدرتش ما اقولكش
المدونة بتاعتك جامدة جدا... وانت عامل فيها شغل جامد.. بحاول ادخل عليها من فترة دايما يقولي
error on bage
مش عارفة ليه كده وبتهنج معايا كتير .. حتى الراوية اللي انت كتبها اول ما دخلت علشان أقراها لما مدونتك سامحتلي بالدخول لاقيتك شايلها
ده ايه الحظ الجميل ده .. شكلي والله اعلم ماليش مكان هنا
D::D:D
تحياتي
انا برده كنت فاكراها بتاعة نجم بس هي فعلا لنجيب سرور
السلام عليكم ورحمة الله وبركاته
استاذي
مش هاعلق على البوست
انا اول ما دخلت
لقيت
كتاب الامير قدامي
الغاية تبرر الوسيلة
انا قراته من كام سنة كدا
وعندي لاني اول ما وجدته اشتريته
كنت دايما اسمع عن مبدأه
وفي مرة قرات مقالة
لعبد الوهاب مطاوع
بيدافع عنه
واول ما لقيت الكتاب اشتريته
صحيح هو كانت افكاره بتدور
في نطاق حلمه
بتوحيد المقاطعات الايطالية
وكان شايف ان كل شيء مباح في سبيل هذا الهدف
والكتاب يحتوي على كم غير يسير
من الحوارات الفكرية
وصياغة الافكار ممتعه
لكن في النهاية
لم اتعاطف معه
او اجده مظلوم
كما كتب الكاتب / عبد الوهاب مطاوع
لكن في النهاية الكتاب جميل فعلا
لكن اكيد ليس هذا الكتاب الوحيد الذي تعشقه
وان كان هذا هو وحيدك
فانا احسدك
لاني اعجز عن حصر ما اعشقه مما قرات
لاني تقريبا اقع في هوى كل ما اقرا
حتى ان لم اتفق مع ما ورد فيه
سلام يا منتصر
الشعر حلو
في الاول اعتقدت انه كلامك انت
لكن بالنسبة لهذا الكتاب
هل تنصحني بقراءته فعلا
فانا شغوفة كتب
واحب الكتب التي تحتوي على الفلسفة
وهل هو موجود بالعربي؟
سلام
طلعت لسانك يعني
ومطلعتش بتاعت ابو النجوم
:)
الظريف أن أحد الأخوة كتب " اجمل ما كتب ابو النجوم "
:)
كده الواحد يقدر يفد ايديه ويعلق
باراوه عليك يا ودا أختيار موفق
ربنا يهدينا ويهديهم
امورة اوى
ذوقك عالى اوى
بس بتفكرنا بالبحر ليه
انا نفسى اشوفه :(
دعواتك
تحياتى
معلهش يا استاذ بينو جل من لا يسهو، كنت فاكراها لنجم و علقت تاني اما لقيت اني غلطانه
السلام عليكم ارجو مساعدتكم هذه فكرة ممكن تكون تحوير لفكرة ياسمين مش مهم مين صاحب الفكرة المهم نكسر القيود و صوتنا يهز الغول
الفكرة مطروحة على مدونتى فارجو المشاركة او ابداء الراي
http://eg-migrator.blogspot.com/
نسيت اعلق معلش
فعلا الكلمات جت فى وقتها
يا غزالى
البحر غضبان مابيضحكش
أصل الحكاية ماتضحكش
,,فعلا حالنا مثل حال البحر
تحياتي
ايه يا غزالي
رايق رايق بجد
والله انته انشان ذوقه جميل اوي
اشكرك جدا علي الاغنيه
.......
تحياتي يا جميل
حلوة اوى القصيدة دى
بجد الف شكر على الكلمات الرائعة
بس هى بجد لمين
فؤاد نجم
والا نجيب سرور
اعتقد مش نجم هو سرور باحساسى كدة
شكرا كمان على الاغنية سماعى تحياتى
سعيده
محدش شاف بهلول يا ولاد الحلال
البحر غضبان مابيضحكش
أصل الحكاية ماتضحكش
البحر جرحه مابيدبلش
و جرحنا و لا عمره دبل
محمد
كل يوم اجي اقرى البوست
اجي اكتب تعليق مناسب مالقيش
اقول خلاص بكره
ويجي بكره مالقيش بجد تعليق مناسب وهكذا
سيظل رأيي فيك دايما انك فنان يا محمد حتى في اختيارتك للحاجات الي بتشاركنا فيها
فنان بكل ماتحمله الكلمه من معنى
:)
البحر غضبان ما بيضحك
اصل الا بلدنا ما يضحكش
البحر ثاير زى الوحش
بيقول كفايه هبش ونتش
بيقول دى خيرى
منهوب لغيرى
بيقول يا مركب يا بعيد رحله
خدنى اسافر بعيد فى رحله
عن العذاب
عن الخراب
خدينى اهاجر لبلاد بعيده
ما تعرف الظلم
تكون سعيده
ردت عليه مركب شراعى
قالت يا بحر مفهش داعى
بلادك اولى
صلح وافلح وكون صبور
بيوم حتربح
خليك مفتح
حتسيب بلادك لوحوش وديبه
اصبر وبطل شكك وريبه
بلدك اساسك
شلها براسك
بيوم حتحلى
وحتبقى احلى
بس انت يا بحر افحت اساسك
وخلى عقلك يا واد براسك
واعلم عدوك يا صحبى واعرف
من ابن ناسك
العزيز محمد
سواء كانت لنجم او لسرور برضه كبر الخط
استغرب كيف يختلف رأى اى شخص عن كلمات بعينها سواء كانت لهذا وذاك
تحياتى يا مهاجر
mahma ay 7aga ankasaret,lazem yeb2a fih amal:-)
see my blog
إرسال تعليق