...يمكنك قرائته من هنا..

خارج النص, أقوال علقت في ذاكرتي

كلما كان الانسان أكثر انعزالا، كان أكثر تعصبا وأضيق ذهنا

السبت، يونيو 07، 2008

Defense mechanisms ميكانزمات الدفاع او (حيل الدفاع النفسي) الجزء الاول..(قرائة فى علم النفس من جزئين)


فى المحاضرة ...اذكر جيدا صوتة الرفيع...
صوت المحاضر دكتور فرج طة ...استاذ ودكتور علم النفس ومؤلف كتاب علم النفس العام الذى يعد مرجعا لاى طبيب او مشتغل فى علم النفس
اذكر صوتة وهو يحدثنا عن فرويد ...والانا والانا الاعلى والهو ....
واذكر فيما اذكر جيدا ...حيل الدفاع... للشخصية... التى درستها بتوسع بعد ذالك وقرات اكثر من كتاب فيها..
لا اعلم لما قررت الكتابة عنها الان
ربما
لانى اراها تحدث للكثيرين بشكل او باخر..وربما لان هناك من يود الفهم ويود التعمق فى علم النفس..
ربما
لتفسر بعض الذى تراة يوميا..ربما..
ربما
لان كثيرا من الاضطربات تحدث امام اعيننا لاطفالنا الصغار ونحن نصقف لهم
ربما
لان المرض النفسى اصبح عيب ..ولان الكثيرون لا يتفهمون ان المريض النفسى كمريض البرد لا يجب ان تتعامل معة بخجل وعار وكسوف ووو
ربما
لان الكثيرون كانو يطلقون على مرض اطفالهم ببساطة عفو دة بيدلع..والطفل ممزق بينهم
ربما
لان الكثير يغتون علم النفس ويكرهون كل تلك المصطلحات...
لا يهم
فلنبدا
---------------------------------------------

قسم فرويد بناء شخصيتنا الى ثلاثة مكونات رئيسية ، العلاقة فيما بينها هي الكفيلة بتفسير حياتنا النفسية .

وهذه المكونات هي :
الهو : وهو نسق سيكولوجي يتألف من المكونات الغريزية والدوافع والانفعالات الموروثة . ويتمركز الهو حول مبدأ اللذة أو ما يصطلح فرويد على تسميته بنزعة الليبيدو. لأن همه الأساسي هو الحصول على اللذة ودفع الألم ، حيث لا يعرف معنى التأجيل. ومن خصائص الهو أنه بعيد عن المنطق والعقل لكونه يتصف بالتهور والاندفاع، ولا يتمثل السيرورات المنطقية والأخلاقية … إلخ .

الأنا: وهو الجزء من الهو الذي تلاءم مع الواقع . و هو النظام السيكولوجي الذي يتصف - على عكس الهو - بالتعقل والرزانة والحكمة . ومن ثمة ، فإنه يتمركز حول مبدأ الواقع ، وهمه الأساسي هو تلبية رغبات الهو بشكل يتلاءم مع الواقع ولا يثير غضب الأنا الأعلى .


الأنا الأعلى : وهو النظام النفسي الذي يمثل جميع القيم الأخلاقية والعادات الاجتماعية.ويتشكل الأنا الأعلى بفعل الأوامر والنواهي ( التربية ) ؛ ومنه نستوحي ما ينبغي وما لا ينبغي القيام به . وهو ما يماثل في حياتنا النفسية مفهوم المثالية الأخلاقية، وما يقابل في الاصطلاح الأخلاقي العادي مفهوم الضمير .

إن الأنا إذن يوجد في بؤرة الصراع بين ضغط الهو، ورغبات الواقع، ومتطلبات الأنا الأعلى .
ومن هذا المنطلق نفهم لماذا تقرن الفرويدية الشخصية السوية بقوة الأنا.. فالرغبات التي لن يستطيع الأنا تلبيتها فإنه يعمل على كبحها ثم كبتها في اللاشعور،هكذا يتشكل اللاشعور ويتضخم.
ولكي يتشكل الأنا بصورة جيدة لابد من إحاطة الطفل بتربية واعية وتفهم واضح لمراحل النمو الجنسي لديه ( المرحلة الفمية ، المرحلة الشرجية، المرحلة القضيبية، مرحلة الكمون، المرحلة التناسلية )، والعمل على كبت العقدة الأوديبية بطريقة سليمة.
هكذا نستطيع القول بأن الأنا يوجد كذلك تحت ضغط مكبوتات اللاشعور لأنها تظل يقظة، وتتحين الفرص التي تضعف فيها رقابة الأنا لتخرج إلى السطح.
والمرض النفسي (اضطرابات الشخصية) عبارة عن تدفق مكبوتات اللاشعور، وتصريف مفضوح لرغبات الهو... وحتى لاتصل الشخصية إلى هذه المرحلة الحرجة، فإنها تلجأ (للتخفيف من حدة التوتر النفسي) إلى
ميكانيزمات دفاعية
-----------------------------------------------------------------

ما هي ميكانزمات الدفاع اذن !!!

هى أساليب غير مباشرة تحاول إحداث التوافق النفسي،وحيل الدفاع النفسي هي وسائل وأساليب لا شعورية من جانب الفرد وظيفتها تشويه ومسخ الحقيقة حتى يتخلص الفرد من حالة التوتر والقلق الناتج عن الإحباطات والصراعات التي لم تحل والتي تهدد الأمن النفسي للفرد ،وهدفها وقاية الذات والدفاع عنها وتحقيق والاحتفاظ بالثقة في النفس واحترام الذات وتحقيق الراحة النفسية والأمن النفسي .

وتعتبر هذه الحيل بمثابة أسلحة دفاع نفسي تستخدمها الذات ضد الإحباط أو الصراع أو القلق والتوتر ، وهي محاولات للإبقاء على التوازن النفسي من أن يصيبه الإختلال ، وهي حيل يلجأ إليها كثير من الناس ، السوي واللاسوي ، العادي والشاذ ،والسليم والمريض على حد سواء ولكن الفرق هو نجاح الأول وإخفاق الثاني باستمرار ووجودها بصورة معتدلة عند الأول وبصورة مفرطة عند الثاني . ومازاد عن الحد انقلب الى الضد وتختلف حيل الدفاع النفسي اللاشعورية عن الضبط الشعوري للسلوك الذي يعتبر عملية توافق واعية مرنة يتطلب طاقة واقعية كافية من ذات مدركة واعية وتتعدد
حيل الدفاع النفسي وتنقسم الى اقسام منها:-

حيل الدفاع الانسحابية - حيل الدفاع العدوانية- حيل الدفاع الابدالية- حيل الدفاع السوية - حيل الدفاع غير السوية
هم اربعة وعشرون حيلة ..حتى الان...
اذكرهم فى البوست القادم ان شاء الله ان كان فى العمر بقية
------------------------------
ملحوظة
نظرا لطول البوست فهو مقسم على جزئين ان شاء الله مع وعد ان الثانى لن يطول كثيرا..
و اعتذر عن عدم التعليق فى البوستات السابقة وسارد عن اى استفسار او تعليق فى هذا البوست ان شاء الله
الفقير الى الله ..
محمد الغزالى
مصر الجديدة

هناك 34 تعليقًا:

دعاء مواجهات يقول...

اول تعليق

كالعاااادة يعنى

البوست جامد وعااوز تركيز اجمد

علشان كدة انا هاجى تانى اقراةع رواقة

بييس محمد

مدحت محمد يقول...

مدونتك ثرية بالمعلومات

اعتقد اننى من الانا

وجميع ميكانزمات الدفاع

انا عملتها

NoRaaMaHdy يقول...

شكرا على البوست الجامد دا

ومنتظرة الجزء التانى ان شاء الله

تحياتى

سمية يقول...

بجد اثرت موضوع مهم اوى
انا من زمان نفسى اقرا فى علم النفس عشان زى ما انت قولت الواحد يعرف تفسير للحاجات اللى بتحصل حواليه و هل هيا طبيعى انهل تحصل وللا لأ

ياريت متتاخرش علينا فى الجزء التانى
وياريت كمان لو تستمر فى الكتابة فى المجال ده شوية

بجد بجد انا بقالى فترة بدور على حد يكون دارس و فاهم الكلام ده

كل يوم اعجابى بعقليتك بيتزايد

-----

انا نزلت بوست جديد انهارده
يشرفنى انى اعرف رايك فيه و تعليقك عليه
ولو ليه تحليل نفسى يبقى يا ريت

تحياتى لك و لعقلك و قلمك

nonoymm يقول...

السلام عليكم
انا دارسة علم نفس حضرتك انعشت الذاكرةحضرتك قريت عن نظريات فرويد في التعلم
جميلة جدا
هنتظر الباقي
واكمل قراية
بارك الله فيك

نبضات يقول...

بوست مميز وجميل قراته اكتر من مره للتعمق فى كلامته وشدنى جدا لانى من هواة التعمق فى النفس البشريه وتحليل شخصيات البشر وفى انتظار الجزء او الاجزاء الاخرى

وانا اقرا هذا البوست تذكرت مقاله قراتها عن تفعيل الاراده بداخلنا وكيف يمكن ان ننمى بداخلنا هذه الملكه التى نولد بها كلنا ولكن لسنا كلنا بنهتم بان ننميها وذلك ان نكون قادة انفسنا وليس ان تقودنا نفسنا لاننا كلما تدربنا على قياده انفسنا كلما اصبحنا غير ذليلين لها وقدرنا نقول كلمه لا لنفسنا لكل شىء جذبنا ورفضه عقلنا وهذا ايضا نوع من ميكانزمات الدفاع وسلاح نادر ومهم جدا فى حياتنا
اذا استطعنا ان نملكه مااستطاع اى شىء ان يستعبدنا من مركز فى عمل او الاموال وحتى فى معاملات البشر والحب ايضا ....الخ لاننا سنكون سادة انفسنا
ونفسنا طوعنا لنا وليس العكس
جميل جدا ان نستطيع ان نقول لانفسنا لا عندما ياتى وقتها ونلزمها بهذه الكلمه مهما كانت المغريات او عناصر الجذب او ماتشدنا له انفسنا

ممكن يكون كلامى ليس له صله قويه بموضوعك لكن تذكرته وانا بقرا البوست بتاعك وحسيت ان له علاقه غير مباشره بكلماتك وتحليلاتك

واخيرا ...كل انسان له ميكانزمات دفاع خاصه بتختلف باختلاف ابعاد شخصيه الانسان

تحياتى
بوست مميز

break يقول...

يالهلى
هو انا اهرب منه هناك فى الكتاب يطلعلى هنا
بس عموما انا كنت بحب علم النفس لو شلنا الدكتور اللى بيدينا احنا

فى ثانوى جبت فيها 50
و بعدين نطتلى فى الكلية السنة دى

مستنية الباقى
وياريت الاسئلة المتوقعة
:d

محض روح يقول...

رغم اني مش بحب فرويد اوي
:)
بس البوست ثري زي العاده
تحياتي يافندم
:)
فهمت دلوقتي من النهرده مفيش فرويد انا فرويد

Dr-hema يقول...

بارك الله فيك يا باشا على الشرح السلس السهل

ولكن انا أدرس المواضيع دى باللغة الإنجليزية

فأريد ان أعرف معنى الهو بالإنجليزية لان مش عارف معناها بالعربى

أو ممكن توضح بتتنطق إزاى

ده أولاً


ثانياً حضرتك نسيت ترد على طلبى فى الموضوع ده

http://gazaly.blogspot.com/2008/05/blog-post_23.html

وجزاك الله كل خير
د/هيما

ٍSOU يقول...

ايوة انا فاكرة الحاجت دى.. درستها السنة اللى فاتت كنت بحبها اوى و كل ما اذاكر فصل كنت اطلع احللة على البيت عندى لحد م ماما قالت لى انتى بتعملى اسقاط علينا :)) اصلها قرت الكتاب هى كمان :))

شهرزاد يقول...

بوست جميل
جمعت فيه الفائدة والمتعة
لكنه يريد تركيزا وفهما للمعاني


تحياتي

رحاله يقول...

بسم الله
السلام عليكم ورحمه الله
بجد جميييل كلامك مزبوط جدا
علم النفس دة كان واجع دماغي في الترم الى فات
بس كنت بوووووووت فيه
مع انى فلسفه بس بندرسها
بجد ربنا يباركلك
راااااااائع رائع رائع
استمر وبالتوفيق
ياريت المرة الجايه تتكلم عن القدرات العقليه
يااااااريت
تحيااااااااااتى
جيلان

lyssandra يقول...

جامد أوي البوست ده يا محمد

أنا هاستني باقي الموضوع لأني بحب علم النفس جدا

درسته وان شاء الله ناويه أكمل دراستي فيه بس لأني بعيده عنه بقالي فترة محتاجه أتواصل مع موضوعاته تاني

هاعتمد علي البوستات بتاعتك بقي

ياريت ماتأخرش البوست التاني


تحياتي

lyssandra

appy يقول...

علم النفس درسته اربع سنين يا محمد بجد بس هايل اقولك على معلومه اننا تقريبا كلنا عندنا امراض نفسيه مختلفه وبدرجات متفاوته بجد بس احنا بنأخدها انها عيب ههههههههههههه بس والله دى حقيقه

شهيدة يقول...

انا بصراحة ما قريت البوست عشان بدو تركيز ووقت حخليه لوقت تاني اقراه بتمعن وانتباه عشان متأكدة انو موضوع ثمين

علم النفس عالم جميل جدا ولازم كلنا يكون عندنا فكرة عنه

تحياتي

بنت مصريه يقول...

محمد
انت علم نفس ولا ايه يا محمد انا اعرف دكتور فرج كويس فعلا دكتور متمكن ف علم النفس
فكرتنى انا ف تمهيدى ماجستير كنت متخصصه فى فرويد واخداه من اول ما اتولد وازاى حياته وخبرات الطفوله عنده اثرت على شخصيته
وازاى كان ليها تأثير قوى على نظريته ف تحليل الشخصيه
احيييك بوست هاااااااااااييييللللل

رفقة عمر يقول...

استاذ غزالى
باشكر حضرتك جدا على سؤالك عنى ووقوف جنبى جزاك الله كل خير
انا الحمد لله بقيت احسن
ربنا يكرم حضرتك اللهم امين يارب العالمين

نوره الخشن ــ آي و كفاية يقول...

الله بجد انت ممتاز وشرحك كمان حلو اوي والله برافو عليك
انت عارف انا بحب علم النفس جدا وحاولت اقرأ فيه كتير وكمان بحب القصص اللي بتدور حول شخصية مثلا نفسياً مش متوازنة زي حالة الدكتور حس بتاعة احسان عبد القدوس رغم اني مبحبش الراجل ده تماماً
وكمان اول مرة الائي مدونة بتتناول حاجة عن علم النفس
مدونتك مفيدة وشرحك رائع ونفسي حقيقي الناس تتعامل مع المرض النفسي على انو حاجة عادية وكفاية جهل وتخلف والتعامل مع مريض علم النفس على انو مجنون

.:.-=- ELGaZaLy-=-.:. يقول...

منورة يا دعاء..كالعادة برضة

ارجعى براحتك
بيس يا دعاء

.:.-=- ELGaZaLy-=-.:. يقول...

مدحت ازيك منور....

كلنا فينا انا يا مدحت..

كل الميكانزيمات ازاى بقى!

.:.-=- ELGaZaLy-=-.:. يقول...

يارب يكون عجبك يا نور..

كمان شوية ان شاء الله

.:.-=- ELGaZaLy-=-.:. يقول...

سمية
ربنا يكرمك يارب...بس ممكن تدوسى على تصنيفات هتلاقى علم نفس فى كتير اوى ...
وحاضر يا ستى ربنا يسهل...
واى شئ لية بعد نفسى..اى شئ بمعنى اى شئ ..دة طبيعى

ربنا يكرمك يا سمية

هههههههههههههههههه...حاضر

.:.-=- ELGaZaLy-=-.:. يقول...

وعليكم السلام سيدتى عاشقة النقاب..

الحمد لله انى انعشت الذاكرة..
دة شئ عظيم يعنى...
ربنا يكرمك وياريت لو فى ملحظات تقوليها

.:.-=- ELGaZaLy-=-.:. يقول...

نبضات اعرف انك من هواة التعمق فى الكلمات...والاشخاص...
عارفة كلامك فى الرد يستحق بوست ...
بس انت متقدرش تكون سيد نفسك غير لو ملكت الايمان

هو مش كل انسان لية ميكانيزمات هو كلنا بنشترك فى استخدام واحدة او 2 من ال24 حيلة دول...

ادم المصرى يقول...

طيب ده وطلع جامد اوى اوى اوى والجزاء التانى بقه انا عايذ اكملها عجبانى مووت وعلى فكره مدونتك لطيفه جدا واتمنا زيرتك

ادم المصرى يقول...

طيب ده وطلع جامد اوى اوى اوى والجزاء التانى بقه انا عايذ اكملها عجبانى مووت وعلى فكره مدونتك لطيفه جدا واتمنا زيرتك

شهيدة يقول...

السلام عليكم

جميل جدا يا استاذ محمد

على طول في افادة في مدوناتك بارك الله فيك

انا بحب علم النفس جدا
وفي انتظار الجزء التاني

تحياتي

Rosa يقول...

في انتظار باقي الأاجزاء يا غزالي
اشكرك :)

dina يقول...

بوست بجد مفيد ليا..انا اخدت فكرة بسيطة اوى عن كل الكلام دا فى علم النفس بتاع الثانوية دا...انما هى فعلا مادة و علم يفيدك فى حياتك

فعلا استفدت من البوست
تحياتى

Gannah يقول...

أحييك لتصديك للكتابة العلمية وهو عمل نادرا ما تجده فى عالمنا العربى الذى يعتبر التفكير عملا شاقا لا جدوى منه
كنت اتمنى ان تشرح لقرائك الفرق بين المرض النفسى والعقلى فالوصمة غالبا ما تكون أشد فى حالة المرض العقلى الذى يستغرق علاجه وقتا أطول وغالبا ما يكون فى شكل موجات ففى احيان يتحسن المريض واحيانا اخرى يشتد المرض كما فى حالة الفصام و العلاج نادرا ما يؤدى الى الشفاء التام والمرض العقلى فى ثقافتنا هو الجنون برغم انى مازلت اتذكر فيلم "beautiful mind" عالم الرياضيات العبقرى المصاب بالفصام..فيلم ملىء باللحظات الانسانية...يخرج منه المشاهد وقد تغيرت فكرته عن المرض العقلى تماما...

حقيقة انا لست من محبى فرويد واجد انه من مفارقات التاريخ ان مريضا نفسيا كما اصفه كان مؤسسا لعلم النفس ولكن على ايه حال الحكمة ضالة المؤمن اينما وجدها فهو احق بها

بس انت كده ضحكت على لانى قريت وفى الاخر طلعت مقدمة ومشفتش اى ميكانزمات
(الكلمة ترجمتها آليات كما أظن)
فكده انا مضطرة اطلب منك الجزء التانى بسرعة علشان أفهم يا ترى أنا بدافع عن نفسى ازاى؟؟؟
تحياتى

مُزمُز يقول...

بالرعم من اني كنت مكسل اقرا المقال عشان طويل شوية وانا لسه خارج من امتحانات ومخلص طاقة القراءة عندي

بس بعد ما قرأته ما ندمتش ابدا

وفرحت اني قراته ومكسلتش

بجد

انت جامد والنعمة

:)

RAMA يقول...

البوست ليس طويل لمن يهتم

ربما

البوست يذكرني بأيام الثانوية العامة

ربما

البوست يحفزني أكثر على الدخول في أدغال علم النفس ويذكرني كثيرا بذلك الحلم القديم

ربما

أنا عدت مرة أخرى

ربما

:)

Mero.. يقول...

رائع اخيرا حطيت ايدي على بلوج زي دا
اشكرك واسمح لي اتابع :)

bastokka طهقانة يقول...

قبل ما اقرا البوست ده كنت ندمانة اني مدرستش علم نفس
بس حمدت ربنا لانه طلع حاجة مش سهلة ابدا
اوروفوار